Дьокуускайга Олимпийскай чөмпүйүөн кэллэ

Дьокуускайга Олимпийскай чөмпүйүөн, аан дойду чөмпүйүөнэ, успуорт үтүөлээх маастара  Владимир Семенович Мышкин кэллэ.

Аатырбыт голкипер «Кыһын Саха сириттэн саҕаланар» бэстибээл иитинэн ыытыллар хоккейга  «Кубок мэра» турнирга сылдьыаҕа.

Күрэхтэһии СӨ физическэй  култуураҕа уонна успуорка министиэристибэтин өйөбүлүнэн   «Эллэй Боотур» дыбарыаска ыытыллар. Түөрт хамаанда, ол иһигэр «Манчаары» (Мэҥэ Хаҥалас), «Норд» уонна  «Полярные волки» итиэннэ Уус Алдантан  «ЯкБор» күөн көрсүөхтэрэ.

Хоккей күнүгэр, ахсынньы 1 күнүгэр, Владимир Семенович 5-с нүөмэрдээх оскуолаҕа оҕолорго аһаҕас уруок ыытыаҕа диэн СӨ физическэй  култуураҕа уонна успуорка министиэристибэтин пресс-сулууспата иһитиннэрдэ.