Дьокуускайга Олимпийскай чөмпүйүөн Роман Дмитриев туһунан киинэ уһуллар

Бүгүн, ыам ыйын 31 күнүгэр, киин куоракка «Кыайыы 50 сыла» успуорт дыбарыаһыгар Саха норуотун бастакы Олимпийскай чөмпүйүөнэ, СССР алта төгүллээх чөмпүйүөнэ, Европа уонна аан дойду чөмпүйүөнэ, успуорт үтүөлээх маастара 75 сылыгар Роман Михайлович Дмитриев туһунан киинэ сорох эпизодтарын уһуллулар.

Хартыына биллиилээх режиссера — Никита Аржаков. Саҥа киинэ 2025 сыл ахсынньы ыйыгар тахсара былааннанар.

Санаттахха, Роман Дмитриев 75 сылын көрсө төрөөбүт дойдутугар Эдьигээн улууһугар икки социальнай эбийиэк – элбэх функциялаах успуорт саалата уонна этнокултуурунай киин үлэҕэ киирбиттэрэ. Оттон Олимпийскай чөмпүйүөн аатын сүгэр Олимпийскай эрэллэр училищеларыгар хапытаалынай уонна быстах өрөмүөн ыытыллыбыта, саҥа миэбэлинэн, оборудованиенан хааччыллыбыта. Киин куоракка Дьокуускай маастар-былаанынан Роман Дмитриев аатынан кытылы тупсарар үлэ ыытыллыбыта. Сыллата Роман Дмитриев аатынан 18-20 саастаах спортсменнарга бүддьүөтү таһынан үптэн биирдэ бэриллэр наҕараада көрүллэр.

Саха сиригэр бастакы олимпийскай чөмпүйүөн Роман Дмитриев туһунан киинэ уһула сылдьаллар