Дьокуускайга Онкология киинэ үлэлээтэ

Share

Олунньу 7 күнүгэр Дьокуускайга  Онкология саҥа киинин үлэҕэ киллэриигэ үөрүүлээх тэрээһин буолла. Үөрүүлээх түгэн сахалыы алгыһынан аһылынна. 

Онкология киинэ Владимир Путин көҕүлээбит “Доруобуйа харыстабыла”  национальнай бырайыак  “Онкология ыарыыларын утары охсуһуу” эрэгийиэннээҕи бырайыагын чэрчитинэн тутулунна.

Тэрээһиҥҥэ Ил Дархан Айсен Николаев бу бырайыагы олоххо киллэриигэ үлэлэспит дьоҥҥо барыларыгар махтанна.

«Дойду бэрэсидьиэнэ олунньу 3 күнэ буолар түүнүгэр Томскайга уонна Уфаҕа онкология диспансердарын аһыыны сэргэ,  биһиги Кииммит аһыллыытыгар кыттыбыта. Кини бу түгэни  онкология көмөтө табыгастаах уонна көдьүүстээх буоларын үрдэтиигэ улахан хардыынан ааттаабыта. Сүрүнэ, ыарыһахтахтар өрөспүүбүлүкэ таһыгар барбакка эрэ, онкология үрдүк технологиялаах көмөтүн миэстэтигэр ылар буолуохтара”, — диэн Ил Дархан эттэ.

Тэрээһиҥҥэ РФ Федеральнай Мунньаҕын судаарыстыбаннай думатын дьокутаата Галина Данчикова кытынна уонна Дьокуускайга Онкология саҥа киинэ тутулларын быһаарыы хайдах саҕаламмытын туһунан кэпсээтэ.

Үрдүк категориялаах онколог-хирург, өрөспүүбүлүкэ үтүөлээх бырааһа, онкология сулууспатын бэтэрээнэ Татьяна Мигалкина эҕэрдэтин ытыс тыаһынан көрүстүлэр. Үтүөлээх быраас олус күүппүт түгэнэ тосхойбутуттан долгуйан,  сиргэ бокулуоннаан ылыан баҕарбытын туһунан эттэ.

“Онкология сулууспатын бэтэрээннэрэ бу устуоруйаҕа киирэр түгэҥҥэ тиийэн кэлбиттэриттэн олус дьоллоохпун. Сүрүнэ – мин үөрэнээччилэрбинэн киэн туттабын. Кинилэр билигин сүрүн хирурдарга, салайааччыларга тиийэ үүннүлэр. Биһиги билигин эдэр кэскиллээх исписэлиистэрбитгэр эрэнэбит”, — диэн Татьяна Мигалкина эҕэрдэтин тириэртэ.

Быраастар династияларын салҕааччы, абдоминальнай онкология отделениетын онколог-хирура Александр Осипов  эдэр исписэлиистэр ааттарыттан  аныгы Кииҥҥэ үлэлиир кыах баар буолбутугар өрөспүүбүлүкэ салалтатыгар махтанна.

Онкология киинин сүрүн  бырааһа Татьяна Николаева  1996 сыллаахха үрдүк үөрэҕи бүтэрээт да тута бу диспансерга  үлэлии кэлбитэ. Кини оччолорго саамай ыарахан кэмнэри ааспыттарын, ол эрэн түмсүүлээх кэлэктиип, бэтэрээннэр кинилэри үлэлииргэ эрэ буолбакка, олох олорорго, мындыр быһаарыныылары ылынарга үөрэппиттэрин туһунан аҕынна.  “Ытыктабыллаах бэтэрээннэрбит, эһиги онкология сулууспатын бигэ тирэҕинэн буолаҕыт. Түмсүүлээх кэлэктииппит саҥа дьиэҕэ көһөн,  онкология сулууспата сайдарыгар бары күүспүтүн ууран туһан үлэлиэхпит”, — диэтэ.

Ааптар түһэриилэрэ

Recent Posts

  • Сонуннар
  • Уопсастыба
  • Үөрэх

Саха сирин 12 учуутала – Арассыыйаҕа бастыҥнар ортолоругар

Арассыыйа Үөрэхтээһиҥҥэ министиэристибэтэ 1250 учууталы 200 000 суумалаах харчынан бириэмийэлээтэ. Кинилэр ортолоругар Саха сирин 9…

14 минут ago
  • Сонуннар
  • Уопсастыба

Бүгүн сорох сиринэн этиҥнээх ардах түһэрэ күүтүллэр

Бүгүн, атырдьах ыйын 30 күнүгэр, өрөспүүбүлүкэ хотугулуу-арҕаа, киин өттүгэр кыралаан ардыаҕа. Арҕаа, соҕуруу сорох сиринэн…

1 час ago
  • Сонуннар
  • Сүрүн

Дьокуускайга 100 км сүүрүүгэ Арассыыйа чөмпүйэнээтэ саҕаланна

Бүгүн, атырдьах ыйын 30 күнүгэр, Дьокуускайга 100 км сүүрүүгэ Арассыыйа чөмпүйэнээтэ саҕаланна. Старт сарсыарда 7…

2 часа ago
  • Интэриэһинэй
  • Сонуннар

Күннээҕи гороскоп: атырдьах ыйын 30 күнэ

Бу күн Кыыс бэлиэтигэр, оттон Ый Охчут бэлиэтигэр киириэхтэрэ. Ол аата биһигиттэн чуолкай буолуу ирдэниэ, ол эрээри…

2 часа ago
  • Сонуннар

Саха сиригэр Беларусьтан тимир суол саҥа маршрутунан элбэх таһаҕас кэлэр

Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…

12 часов ago
  • Сонуннар

Саха сирин буойуттарын ааттарын үйэтитиигэ үлэ ыытыллар

Ил Дархан Айсен Николаев бүгүн, атырдьах ыйын 29 күнүгэр, "Якутия, вперед!" биэриигэ ый түмүктэрин таһаарда.…

13 часов ago