Дьокуускайга оперативниктар улахан уйуктаах массыынаны күрэтиини арыйдылар

РФ ИДьМ Дьокуускайдааҕы 3 №-дээх полиция отделыгар бааза таһыттан “КаМАЗ “ массыынаны илдьэ барбыттарын туһунан сайабылыанньа киирбит.

Холуобунай ирдэбил управлениетын сотрудниктара Арассыыйа ИДьМ «Дьокуускайдааҕы” МУ баайга-дуолга буруйу оҥоруулары арыйар отделын кытта бу дьыалаҕа урут сууттана сылдьыбыт, Ньурба оройуонун 29 саастаах эр киһитэ сыһыаннааҕын быһаарбыттар.

Бу киһи бааза күрүөлэммкэккэ аһаҕас турарын көрөн, “КАМАЗ” массыынаны илдьэ барарга быһаарыммыт. Ол эрээри бэрт кыра сири бараат, кыайан салайар кыаҕа суоҕуттан массыынатын быраҕан баран атахха биллэрбит.

Тырааныспары бааза таһыгар төнүннэрбиттэр. РФ Холуобунай кодексын 166 ыст. 1 ч. холуобунай дьыала тэриллибит. “Неправомерное завладение автомобилем или иным транспортным средством без цели хищения” диэн ыстатыйанан 5 сылга диэри көҥүлэ быһыллыан сөп.

ИДьМ Саха Өрөспүүбүлүкэтигэр пресс-сулууспата