Дьокуускайга оптуобус бырайыаһа ыараан, төһө буолуой?

Муус устар 1 күнүттэн Дьокуускайга маршрутнай оптуобустарга бырайыас ыарыаҕа. Бу туһунан суол инфраструктуратын уонна тырааныспар департаменын начаалынньыга Эдуард Садовников иһитиннэрдэ. 

Баан каартатынан бырайыас төлөбүрэ 40 солкуобайтан 46 солкуобай, харчынан төлөөһүн 45 солкуобайтан 52 солкуобай буолуоҕа.

Бырайыас каартатынан:

• 40 айаҥҥа 60 күн: 23 солкуобайтан 27 солкуобай;
• 60 айаҥҥа 30 күн: 20 солкуобайтан 23 солкуобай;
• 60 айаҥҥа 60 күн: 21 солкуобайтан 25 солкуобай.

Дьокуускай олохтооҕун каартатынан муус устар 1 күнүттэн бырайыас 38 солк. (ол иннинэ 33 солк. этэ) тэҥнэһиэҕэ.

Элбэх оҕолоох ыал каартатынан бырайыас уларыйбат.

Бу туһунан Эдуард Садовников Арассыыйа Араадьыйатын «Саха» ханаалыгар быһа эпииргэ кэпсээтэ.