Дьокуускайга оптуобус төлөбүрэ үрдээтэ

2026 сыл тохсунньу 1 күнүттэн Дьокуускайга уопсастыбаннай тырааныспарынан айан төлөбүрэ уларыйда. Билигин куорат иһигэр оптуобуска уу харчынан уонна баан каартатынан төлөөтөххө айан сыаната 58 солкуобай буолла, оттон «Спутник» каартатынан — 46 солкуобай. Куорат таһынааҕы хайысхаларга  100 солкуобайга тиийэ үрдээтэ.

Куорат иһигэр оптуобуска саҥа тарыыптар

Каартанан төлөбүр. Айан билиэттэрэ:
* 40 айан (болдьоҕо 60 хонук) — 1 300 солкуобай;
* 60 айан (болдьоҕо 30 хонук) — 1 650 солкуобай;
* 60 айан (болдьоҕо 60 хонук) — 1 800 солкуобай.

Биирдиилээн айан:
* «Спутник» каартата, виртуальнай каарта (АСОП сыһыарыыта: QR-код, NFC) — 46 солкуобай;
* «Саха сирин олохтооҕун каартатын» тырааныспарга сыһыарыыта (элбэх оҕолоох ыалларга) — 31 солкуобай;
* Баан каартата (NFC, СБП QR-кода), «Саха сирин олохтооҕун каартатынан» — 58 солкуобай.

Уу харчынан төлөбүр — 58 солкуобай.

Куорат таһынааҕы оптуобустарга саҥа тарыыптар

Каартанан төлөбүр:
* Айан билиэтэ — 3 700 солкуобай (30 хонук, 60 айан).

Биирдиилээн айан:
* Баан каартата (NFC, QR-код, «Саха сирин олохтооҕун каартатынан») — 100 солкуобай;
* «Спутник» каартата, виртуальнай каарта (АСОП: QR-код, NFC) — 90 солкуобай;
* «Саха сирин олохтооҕун картаатынан»  (элбэх оҕолоох ыалларга) — 64 солкуобай.

Уу харчынан төлөбүр — 100 солкуобай.

Куорат баһылыга Евгений Григорьев эрдэ быһаарбытынан, сыана үрдээһинэ  тырааныспары көрүүгэ-истиигэ ороскуоттар улааппыттарын кытта сибээстээх.