Дьокуускайга оптуобус умайа сыста

Бүгүн социальнай ситимнэринэн Дьокуускай куорат 202 микрооройуонугар оптуобус умайан эрэр хаартыската тарҕанна.

Көрбүт дьон киин куорат 202 микрооройуонугар «Китагава» эрэстэрээн аттыгар оптуобус умайа турарын туһунан суруйбуттара.
Бу сурах төһө оруннааҕын билээри Дьокуускай куорат уокуруктааҕы дьаһалтатын пресс-сулууспатыттан чуолкайдастыбыт.

«Бүгүн 17-с №-дээх оптуобус умайа сыста. Умайыы тахсыбыт биричиинэтинэн, барыллаан көрүүнэн электро-боруобаттар хатыһыыларыттан эбэтэр итиини тутар бүрүөһүннэриттэн капот аннынан умайыы тахсыбыт курдук, чуолкайа бэрэбиэркэ кэнниттэн быһаарыллыа. Эмсэҕэлээбит киһи суох, оптуобуһу анал сиргэ соһон илдьиэхтэрэ», — диэн иһитиннэрдилэр.