Дьокуускайга оптуобустар үлэлэринэн суһал лииньийэ үлэлиир

Дьокуускайдааҕы суол-тырааныспар сулууспатын телеграм-ханаалыгар маршрутнай оптуобустар үлэлэрин хонтуруоллуур суһал лииньийэҕэ биир күн устата киирбит ыйытыылары таһаардылар. 

Суһал лииньийэ үлэтин бастакы күнүгэр 182 иһитиннэрии киирбит:

— оптуобустар сырыыларын схематынан 39 иһитиннэрии;

— оптуобустар сырыыларын бириэмэнэн арыттарын туһунан 34 иһитиннэрии;

—  консультациялаһаары 30 киһи эрийэ сылдьыбыт;

— быһылаан тахсыбытын туһунан 13 киһи эрийбит, онтон 11-ин тута быһаарбыттар, 2-тэ хонтуруолга сылдьар.

Суһал лииньийэ өрөбүлэ уонна тохтобула суох 7 чаастан 21 чааска диэри үлэлиир. Нүөмэрэ: 300-900.