Дьокуускайга Ороһуоспатааҕы литургия ыытылынна

Тохсунньу 7 күнэ үүнэр түүнүгэр Ил Дархан Айсен Николаев Дьокуускайга Преображенскай таҥара дьиэтигэр Ороһуоспатааҕы литургияҕа сырытта, дьоҥҥо-сэргэҕэ эҕэрдэтин тиэртэ.  

Сулууспаны  архиепископ Дьокуускай уонна Ленскэй Роман ыытта. Ил Дархан Айсен Николаев сулууспа кэннэ кэлбит дьону Ороһуоспанан эҕэрдэлээтэ.

Ил Дархан ааспыт сылга, ахсынньыга, Москватааҕы Кириэмил Успенскай соборугар  Московскай уонна Бүтүн Арассыыйатааҕы Сибэтиэй Патриарх Кирилл Саха сирэ Арассыыйаҕа холбоспута 390 сылыгар анаммыт Таҥара дьиэтин литургиятын ыыппытын санатан эттэ.

Ороһуоспатааҕы сулууспа икки судаарыстыбаннай тылынан ыытылынна.