Дьокуускайга оскуола оҕолоро 203-с микро-түөлбэҕэ баһаар оҥоро сыстылар

Дьокуускайга олунньу 25 күнэ үүнэр түүнүгэр оҕолор 203-с микро-түөлбэҕэ баар элбэх кыбартыыралаах дьиэ тиэхиньиичэскэй этээһигэр баһаар оҥоро сыспыттар. Быһылаан 02.00 чаас саҕана буолбут.

5-с уонна 8-с кылаастарга үөрэнэр үс үөрэнээччи буолара биллибит. Бу туһунан Саха сиринээҕи ИДьМ иһитиннэрэр диэн СИА суруйар.

Видеонан кэтээн көрүү камератыгар түүн оҕолор подъездка кэниистирэлээх киирбиттэрэ көстөр. Бу оҕолор төрөппүттэригэр административнай боротокуол толорулунна.

«ПДН үлэһиттэрэ көрдөөннөр, эрдэ профилактическай учуокка турбатах 5-с уонна 8-с кылаас үөрэнээччилэрин буллулар. Быһылаан тула бэрэбиэркэ барар, ол түмүгүнэн сокуонунан быһаарыныы ылыныллыаҕа», — диэн биэдэмистибэ иһитиннэрбит.

Видео: телеграмтан.