Хаартыска: ЯСИА
«Дьокуускай куорат» уокуругун санитарнай-эпидемияны утары хамыыһыйатын сэтинньи 10 күнүнээҕи быһаарыытынан, үөрэх тэрилтэлэригэр 1-11 (12) кылаастарга харантыын сэтинньи 11 күнүттэн 15 күнүгэр диэри уһатылынна.
Бу иннинэ харантыын сэтинньи 5 күнүттэн 10 күнүгэр диэри биллэриллибитэ. Хааччахтааһын Дьокуускай куорат сиригэр-уотугар баар бары үөрэх тэрилтэлэригэр, ону тэҥэ куруһуоктарга, сиэксийэлэргэ, эбии дьарыктарга, оскуола иһинээҕи уонна таһынааҕы атын тэрээһиннэргэ барыларыгар тарҕанар. Ону сэргэ, Дьокуускай куорат сиригэр-уотугар култуурунай-маассабай уонна успуорка тэрээһиннэр тохтотуллаллар. Дьокуускай куорат санитарнай-эпидемияны утары хамыыһыйата ыарыыны сэрэтэр бары миэрэлэри тутуһарга, харыстанар мааскалары кэтэргэ ыҥырар. Төрөппүттэр оҕолорун дьон мустар сирдэригэр, ол иһигэр киинэ тыйаатырдарыгар, маҕаһыыннарга, уопсастыбаннай аһылык тэрилтэлэригэр сылдьалларын хааччахтыахтаахтар. Кирииптэн уонна атын сытыы респираторнай вируснай ыарыылартан көмүскэнэр саамай судургу, ол эрээри көдьүүстээх миэрэлэринэн ыарыйдахха бэйэни изоляциялааһын, илиини хос-хос суунуу уонна тыынар уорган гигиенатын тутуһуу буолар. Ыарыы бастакы сибикилэрэ билиннэхтэринэ, тутатына бырааска көрдөрүнүөххэ наада. Харантыыны тохтотор эбэтэр уһатар туһунан быһаарыыны ылынар санитарнай-эпидемияны утары хамыыһыйа кэлэр мунньаҕа сэтинньи 15 күнүгэр буолуоҕа.
Саха сирин чэпчэки атлетикатын бастыҥнарыттан биирдэстэрэ Наталья Леонтьева Узбекистаҥҥа ыытыллыбыт Самарканд марафонугар үрүҥ көмүс мэтээлинэн…
Саха сирин уус-уран гимнастикаҕа кулууптара Казахстаҥҥа уонна Таилаҥҥа ыытыллыбыт норуоттар икки ардыларынааҕы күрэхтэһиилэргэ ситиһиилээхтик кытыннылар.…
Бүгүн, сэтинньи 10 күнүгэр, Дьокуускайга байыаннай дьайыы кыттыылаахтарыгар аналлаах «СВОй бизнес» үөрэтэр бырагыраама үөрүүлээх аһыллыыта…
Сэтинньи 13 күнүттэн режиссер Аполинария Дегтярева «Присутствие» диэн саҥа киинэтэ киэҥ экраҥҥа тахсыаҕа. Мистическэй триллергэ…
Бүлүү улууһун суутунан Кыргыдай орто оскуолатыгар оҕолорго сөптөөх услуобуйаны уонна куттала суох буолууну тэрийэргэ сорудахтанна.…
Дьокуускай куоракка Халтурин уулуссаҕа үс киһи олоҕун быспыт баһаар барыллаан быһаарыынан уоту сэрэҕэ суох туһаныыттан…