Бүгүн муус устар 19 күнүгэр, Дьокуускайга Бүтүн Арассыыйатааҕы научнай-практическай кэмпириэнсийэ ыытылла турар. Манна орто анал үөрэх уонна үрдүк үөрэх кыһатын устудьуоннара, аспираннар, учуонайдар, судаарыстыбаннай уонна муниципальнай управление араас хайысхатын исписэлиистэрэ, тэрилтэлэр, уопсастыбаннай түмсүүлэр кыттыыны ылаллар.
«Олус улахан суолталаах тэрээһин. Бөҕү туһаныы уонна оҥорон таһаарыы — «Экология» бырайыак дойду бэрэсидьиэнэ Владимир Путин туруорбут соруктарыттан биирдэстэрэ буолар. «Отходы в доходы — 2024» кэмпириэнсийэ айылҕаны харыстааһыҥҥа нэһилиэнньэ болҕомтотун тардар, ол кыһалҕатын Уһук Хоту сиргэ быһаарарга саҥа ньымалары буларга туһуланар. Ил Дархан Айсен Николаев өрөспүүбүлүкэҕэ айылҕа туругун тупсарыыга саҥардылыбыт ыйааҕыгар сүрүн болҕомтотун тулалыыр эйгэҕэ антропогеннай дьайыыны намтатыыга уонна экологическай култуураны сайыннарыыга уурбута. Кэмпириэнсийэ сиэксийэлэринэн былаһааккатыгар салгыы ыытыллар үлэлэри кэпсэтиһии, ону таһынан бөҕү оҥорон таһаарар тэрилтэлэри кытта үлэлэһии буолуоҕа», – диэн Бырабыыталыстыба бэрэссэдээтэлин солбуйааччы Ольга Балабкина санаатын үллэһиннэ.
Бырайыактары көмүскээһин үс сиэксийэнэн ыытылла турар: «Экологическая культура в решении вопросов обращения с отходами», «Экологические проблемы безопасности твёрдых коммунальных отходов в Российской Федерации, на примере Республики Саха (Якутия)» уонна «Обращение с отходами в условиях Крайнего Севера».
Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар "хивустар" сырыылара сөргүтүллүбүтүн туһунан СӨ Тырааныспарга…
Сорохтор сааскы көмүөл Өлүөхүмэ улууһун ааспыта, туох да куттал суох диэтэллэр да, күн бүгүн Кыыллаах…
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…
Бүгүн, ыам ыйын 17 күнүгэр, өрөспүүбүлүкэ үгүс улуустарыгар кыралаан ардыаҕа, хоту улуустарга, Өлүөнэ аллараа тардыытынан…