Дьокуускайга педагогу түөкүттэр албыннаабыттар

Ааспыт сууккаҕа өрөспүүбүлүкэҕэ түөрт буруйу оҥоруу бэлиэтэммит.

Ол курдук, Кэбээйи уонна Мэҥэ Хаҥалас улуустарыгар уоруу туһунан сайабылыанньалар киирбиттэр. Итинтэн бииригэр баан счетуттан 169 тыһ. солк. тахса сууманы уорбуттар. Оттон Дьокуускай куоракка “салайааччы” уонна “ФСБ үлэһитэ” төлөпүөннүүр диэн ньыманы туһанан, түөкүттэр педагогтан 4,5 мөл. солк. уорбуттарынан холуобунай дьыала тэриллибит.

Түөкүттэр күн-түүн элбээн иһэллэр. Билэр дьоҥҥутуттан, баантан, ФСБ-тан төлөпүөннүүбүт диэн эрийдэхтэринэ, адьас итэҕэйбэт буолуҥ. Тэрилтэттэн үксүгэр түөкүттэр эрийэллэр, оннооҕор чугас дьоҥҥут куолаһын кытта оҥорон төлөпүөннүөхтэрин сөп. Сэрэхтээх буолуҥ, угаайыга киирэн биэримэҥ.