Дьокуускайга Петр Алексеев уулуссаҕа гаас турбатын уларыталларынан айан-сырыы хааччахтанна

Дьокуускайга бэс ыйын 18 күнүттэн от ыйын 30 күнүгэр диэри Петр Алексеев уулуссаҕа эргэ гаас турбатын уларытар үлэлэр ыытыллаллар.

Манан сибээстэн Поярков уонна Петр Алексеев уулуссаларын быһа охсуһууларыттан Орджоникидзе уонна Петр Алексеев уулуссалар быһа охсуһууларыгар диэри суол хааччахтанар — биир балаһанан айаннааһын оҥоһуллар.

«Сахатранснефтегаз» иһитиннэрэринэн, бу гаас турбата 1968 сыллаахха аан бастакынан тардыллан үлэҕэ киирбит уонна билигин былааннаахтык уларыйара эрэйиллэр. Турбаны уларытыы учаастагын уопсай иэнэ — 400 миэтэрэ кэриҥэ.

Тутуу үлэтэ түмүктэммитин кэннэ бэдэрээтчит аспаалы саҥаттан кутуоҕа. Хампаанньаҕа куорат олохтоохторун уонна ыалдьыттарын быстах кэмҥэ хааччахтар киирбиттэринэн өйдүүллэригэр көрдөһөллөр. Суол харыытынан, маршруттары эрдэтинэн былаанныырга көрдөһөллөр.