Хаартыска: Василий Прокопьев
Муус устар 2 күнүгэр П.И. Дудкин аатынан Дьокуускайдааҕы сибээс уонна информационнай технология кэллиэһигэр оҕолорго уонна ыччакка аналлаах «Пилоты будущего» Бүтүн Арассыыйатааҕы чөмпүйэнээт Саха сиринээҕи түһүмэҕин аһыллыыта буолла.
Чөмпүйэнээт аһыллыытыгар «Боотур» этэрээт хамандыыра, Ил Түмэн дьокутаата Василий Егоров, «Движение первых» хамсааһын эрэгийиэннээҕи салаатын салайааччыта Александр Кузьмин, «Добровольное общество содействия армии, авиации и флоту России» Бүтүн Арассыыйатааҕы уопсастыбаннай-судаарыстыбаннай тэрилтэ Саха сиринээҕи салаатын бэрэссэдээтэлэ Констатинов Копылов, байыаннай дьайыылар бэтэрээннэрин ассоциациятын бэрэссэдээтэлэ Иван Черкашин, ДОСААФ Саха сиринээҕи тиэхиньиичэскэй оскуолатын дириэктэрин солбуйааччы, байыаннай дьайыы кыттыылааҕа Николай Семенов, П.И. Дудкин аатынан Дьокуускайдааҕы сибээс уонна информационнай технология кэллиэһин дириэктэрэ Гаврил Семенов, о.д.а. кыттыыны ыллылар.
-«Движение первых» хамсааһын эрэгийиэннээҕи салаатын аатыттан чөмпүйэнээт бары кыттааччыларын «Пилоты будущего» Бүтүн Арассыыйатааҕы чөмпүйэнээтин Саха сиринээҕи түһүмэҕэ саҕаламмытынан эҕэрдэлиибин! «Движение первых» хамсааһын 2022 сыллаахха дойду Бэрэсидьиэнин Ыйааҕынан тэриллибитэ уонна дойду үрдүнэн үлэлиир оҕолор, ыччаттар бары түмсүүлэрин түмэр сыаллаах. Бүгүн күрэхтэһиигэ 17 улуустан талыллыбыт бастыҥ үөрэнээччилэр кытталлар. Барыгытыгар ситиһиилэри баҕарабын!, — диэтэ Александр Кузьмин.
«БАРС-2» батальон өрөспүүбүлүкэтээҕи «Боотур» этэрээт хамандыыра, Ил Түмэн дьокутаата Василий Егоров чөмпүйэнээт кыттааччыларыгар кыайыыны, ситиһиилэри, оттон кыайтарбыттарга хомойботторугар баҕарда.
Салгыы «Движение первых» хамсааһын эрэгийиэннээҕи салаатын салайааччыта Александр Кузьмин уонна «Добровольное общество содействия армии, авиации и флоту России» Бүтүн Арассыыйатааҕы уопсастыбаннай-судаарыстыбаннай тэрилтэ Саха сиринээҕи салаатын бэрэссэдээтэлэ Констатинов Копылов оҕолору патриотическай иитиигэ уонна бииргэ үлэлээһиннэргэ сөбүлэһии түһэристилэр.
Тэрээһин «Движение первых» хамсааһын иитинэн уонна «Үөрэхтээһин» национальнай бырайыак «РФ гражданнарын патриотическай иитиитэ» федеральнай бырайыак чэрчитинэн ыытыллар. Күрэхтэһии икки күн, муус устар 2-3 күннэригэр, буолар. Күрэскэ 6-тан 18-гар диэри саастаах оҕолор, кэллиэс устудьуоннара, технологическай куруһуоктар эдэр кыттааччылара, билим уонна үөрэх кииннэрин бэрэстэбиитэллэрэ, уһуйааччылара, «Движение первых» хамсааһын чилиэннэрэ кыттыыны ылаллар.
Чөмпүйэнээккэ 4 киһилээх хамаандалар кытталлар: 2 пилот, 1 инженер-тиэхиньик уонна 1 уһуйааччы. Бырайыак сүрүн тэрээһининэн 1000 бастыҥ пилоты түмэр дойду үрдүнэн финал буолуоҕа. Оҕолор икки күн устата онлайн-симулятордарга пилоттааһыҥҥа күрэхтэһиэхтэрэ, бэлэмнэммит трассаларга дроннары көтүтүөхтэрэ, дроннары оҥорууга үөрэ5и ааһыахтара. Ону таһынан, хас биирдии кыттааччы «Основы пилотирования дронов» онлайн-кууруска үөрэнэр кыах ылыахтара.
Дойду чөмпүйэнээтин финалыгар кыайбыт чулуу пилоттар бөдөҥ бырамыысыланнай уонна энергетическай хампаанньаларга стажировкаланыахтара уонна үрдүк үөрэх кыһатыгар киирэргэ эбии баал ылыахтара.
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…