Хаартыска: СИА
Бэҕэһээ Арассыыйа Дьоруойа Александр Колесов, аатырбыт снайпер, Сэбиэскэй Сойуус Дьоруойа Федор Охлопков уола уонна сиэнэ, анал байыаннай дьайыы кыттыылааҕын ийэтэ Светлана Диодорова-Лаврентьева, ону тэҥэ улуус хаһыаттарын кылаабынай эрэдээктэрдэрэ кыттыылаах «Сахапечать» медиа-хампаанньа «Поднимаем России знамя!» пуорум тэрийэн ыытта.
Арассыыйа Дьоруойа, «Сулус» үөрэтэр-ытар киин генеральнай дириэктэрэ Александр Колесов Улуу Кыайыы 80 сылынан, Арассыыйаҕа Аҕа дойду көмүскээччи уонна Саха сиригэр Ийэ дойдуну көмүскээччи сылларынан маннык патриотическай тэрээһини ыытыы улахан суолталааҕын бэлиэтээтэ.
«Бу норуот өйүгэр-санаатыгар иҥэн хаалбыт ыар кэмнэр. 80 сыл анараа өттүгэр биһиги эһэлэрбит, хос эһэлэрбит Берлиҥҥэ тиийэ фашистары үлтү сынньыбыттара. Биһиги дойдубутуттан 27 мөлүйүөн киһи өлбүтэ, мөлүйүөнүнэн киһи инбэлиит буолбута, дьиэтэ-уота суох хаалбыта. Аҕа дойду Улуу сэриитэ хас биирдии ыалы таарыйбыта. Биһиги легендарнай дьоруойдарбыт Федор Охлопков, Федор Попов, Иван Кульбертинов уо.д.а. холобурдарыгар иитиллибиппит. Бүгүн биһиги ытык иэспит — эдэр көлүөнэҕэ холобур буолуу, ким да, туох да умнуллубатын ситиһии», — диэтэ Александр Колесов.
Дьоруой Александр Колесов бүгүн дойду фашизм аныгы көстүүтүн кытары охсуһар диэн бэлиэтээтэ.
Кини анал байыаннай дьайыыга инники кирбиигэ дойду араас муннугуттан кэлбит бойобуой доҕотторбутун кытта бииргэ ытык иэспитин толоробут диэн эттэ.
«Эр киһи бэйэтин чугас дьонун, дьиэтин-уотун көмүскүөхтээх, оттон Арассыыйа — биһиги улахан дьиэбит. Эдэр ыччат — эһиги Арассыыйа инникилэрэ буолаҕыт. Биһиги Аҕа дойду көмүскэлэ, чиэс, ытык иэс туһунан эһиэхэ кэпсиэхтээхпит, холобурбутунан көрдөрүөхтээхпит», — диэн бэлиэтээн эттэ Александр Колесов.
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…
Хаар курдук маҥан, сымнаҕас баататтан саамай дьикти, ураты оонньуурдар былыр харыйаны киэргэтэллэрэ. Ол курдук, 30-с…
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…