Дьокуускайга погрузчик дьааһык иһигэр оҕолор киирбиттэрин көрбөккө, үрдүнэн айаннаабыт

Ааспыт сууккаҕа өрөспүүбүлүкэҕэ алта буруйу оҥоруу туһунан иһитиннэрии киирбит диэн СӨ Дьуһуурунай борокуруора иһитиннэрэр.

Дьокуускайга, Булуҥҥа, Мэҥэ Хаҥаласка түөкүннээһин туһунан иһитиннэриилэр киирбиттэр. Тиксии бөһүөлэгин олохтооҕо 1 мөл.солк. харчытын албыннаппыт. Оттон Дьокуускай куорат спортивнай оскуолатын тириэньэрэ 1,4 мөл.солк. тахса харчытын суйдаппыт.

Итиэннэ Дьокуускайга наркотигынан эргиниини туппуттар.

Дьокуускай куорат борокуратуурата бэҕэһээ Билибин уулуссатыгар 2016 уонна 2017 с.т. кыргыттар оонньуу сылдьан хортуон дьааһык иһигэр киирбиттэр, ол үрдүнэн фронтальнай погрузчик ааспытын туһунан иһитиннэриини бэрэбиэркэлиир.

Киһи өлүүлээх суол саахала тахсыбата.

Суукка иһигэр 13 итирик туруктаах суоппары туттулар.