Дьокуускайга полицейскайдар эр киһи наскытыттан наркотигы булбуттар

Дьокуускайдааҕы полиция 1 №-дээх отделын холуобунай ирдэбилин үлэһиттэрэ суһал-ирдиир тэрээһиннэри ыытар кэмнэригэр, урут сууттаммыт, Красноярскай кыраайтан төрүттээх 49 саастаах эр киһини туттулар. Бу туһунан СӨ ИДьМ пресс-сулууспата иһитиннэрэр.

Тус бэрэбиэркэ кэмигэр, эр киһи наскытын иһиттэн маҥан кумааҕыга сууламмыт суу булуллан былдьаммыт. Ол иһигэр ураты сыттаах, хараҥа өҥнөөх табах булкааһа ылыллыбыт. Эспэртииһэ түмүгүнэн, былдьаммыт эттик 0,626 грамм ыйааһыннаах гашиш буолара быһаарылынна.

Уорбаланааччыга РФ Холуобунай Кодексатын 228-с ыстатыйатын 1 чааһынан буруйу оҥоруу бэлиэлэринэн холуобунай дьыала көбүтүлүннэ. Бу ыстатыйанан буруйдаах 3 сылга диэри көҥүлэ быһыллыан сөп.