Хаартыкса: ИДьМ пресс-сулууспата
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах олохтоох киһи сокуону кэһэр дьайыытын тохтоттулар.
Суһал иһитиннэриинэн полицейскайдар буруйдааҕы Дьокуускай куорат кытыытыгар, Көтөр фабрикатын оройуонугар, тыаҕа кистэлэҥник наркотигы уура сырыттаҕына туттулар.
Кинини бэйэтин бэрэбиэркэлииллэригэр, үрүкэсээгиттэн хара өҥнөөх, биллибэт үүнээйиттэн оҥоһуллубут веществолаах 5 суу көһүннэ. Салгыы кини оҥорбут кистэлэҥнэриттэн, ону таһынан тутуллубут киһи дьиэтин көрүү кэмигэр морозильнигыттан 35 пресстэммит брикет көһүннэ диэн ИДьМ пресс-сулууспата иһитиннэрэр.
Оперативниктар быһаарбыттарынан, тутуллубут киһи «склад» диэн ааттанар оруолу толорор эбит уонна биллибэт куратор ыйыытынан буруйу оҥорорго аналлаах табаары салгыы сирэй көрсүбэккэ эрэ атыылыыр сыаллаах ылбыт.
Уорбаланааччыга РФ Холуобунай Кодексатын 228.1 ыстатыйатын 4-с чааһын «а» пуунугар уонна 30-с ыстатыйатын 3-с чааһыгар сөп түбэһиннэрэн холуобунай дьыала тэрилиннэ. Силиэдэбэтэл көрдөһүүтүнэн дьыалаҕа эриллибит киһиэхэ хааччахтыыр миэрэ быһыытынан хаайыы талылынна.
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…