Хаартыска: SakhaGov
СӨ Ил Дархана Айсен Николаев от ыйын 10 күнүнээҕи Ыйааҕынан Максимов Александр Григорьевич СӨ Ыччат дьыалаларыгар уонна социальнай коммуникацияларыгар миниистири солбуйааччытынан ананна.
Александр Максимов үрдүк үөрэхтээх. М.К. Аммосов аатынан ХИФУ Финансовай-экэнэмиичэскэй институтун уонна Москва куораттааҕы «Синергия» финансовай-бырамыысыланнай университетын бүтэрбитэ.
Үлэтин-хамнаһын Ыччат бэлиитикэтигэр министиэристибэтин бастыҥ исписэлииһиттэн саҕалаабыт. Кэлин Туһанааччы быраабын харыстааһын эйгэтигэр кэтээн көрөр федеральнай сулууспа Саха сиринээҕи управлениетын финансовай-экэнэмиичэскэй отделыгар, Дьокуускай куорат уокуруктааҕы дьаһалтатын доруобуйа харыстабылыгар кэмитиэтин отделын начаалынньыгынан, Ньурбатааҕы киин оройуон балыыһатыгар уонна 2 №-дээх Өрөспүүбүлүкэтээҕи балыыһа – Суһал көмө киинигэр отдел начаалынньыгынан үлэлээбит.
2021 сыллаахха Ил Түмэн Бэрэссэдээтэлин сэкирэтирийээтин старшай референэ, кэлин Ил Түмэн спикерин көмөлөһөөччүтэ буолбут. 2024 сыллаахха анал байыаннай дьайыы хонуутугар баҕа санаатынан барбыт. 2024 сыл сэтинньититтэн бүгүҥҥү күҥҥэ диэри Ил Түмэн Бэрэссэдээтэлин сүбэһитинэн үлэлээбит.
Александр Максимов «Саха сирэ — Дьоруойдар дойдулара» каадыр бырагыраамматын кыттыылааҕа. «Боотур» БАРС иккис этэрээтин састаабыгар сылдьан РФ интэриэстэрин анал байыаннай эпэрээссийэ ыытыллар сиригэр көмүскээбит. Хорсун, хоодуот быһыытын иһин РФ судаарыстыбаннай наҕараадатынан – «Аҕа дойду иннигэр үтүөлэрин иһин» уордьан мэтээлинэн, ону тэҥэ Луганскай Норуодунай Өрөспүүбүлүкэтин «Хорсунун иһин» мэтээлинэн наҕараадаламмыт.
Дьокуускайга Геологтар искибиэрдэрин бастакы тааһа уурулунна. Аныгылыы сынньалаҥ сирэ Киров уонна Орджоникидзе уулуссаларын быһа охсуһуутугар…
Полиция үлэһиттэрэ «Бутлегер» сэрэтэр-профилактическай тэрээһини ыыттылар. Рейдэ кэмигэр арыгыны сокуону кэһэн атыылыыр 112 буруйу оҥорууну…
Кэбээйи улууһун полицията икки баан каартатын уорууга уорбаланааччыны быһаарда. Буруйу оҥорууга 39 саастаах олохтоох дьахтар…
Саха сирин психологтара сэтинньи ыйга байыаннай дьайыы кыттыылаахтарыгар уонна кинилэр дьиэ кэргэттэригэр 1130 тус уонна…
Кэнники кэмҥэ Саха сирин олохтоохторун ортотугар «MAX» диэн саҥа мессенджер киэҥник тарҕанна. Мобильнай сыһыарыы суругунан…
Өрөспүүбүлүкэ киин куоратыгар «Үтүө санаа харыйата» аахсыйа саҕаланна. Быйыл үтүө үгэскэ кубулуйбут аһымал тэрээһин 10…