Дьокуускайга полицейскайдар уулуссаҕа халабырдьыты туттулар

Дьокуускай куорат ИДьМ 2 №-дээх полициятын дьуһуурунай чааһыгар киин куорат олохтооҕо биллибэт эр киһи быһаҕынан куттаан туран төлөпүөнүн былдьаабытын туһунан биллэрбит.

Суһал-көрдүүр тэрээһиннэринэн полиция үлэһиттэрэ уорбаланааччыны туттулар. Хара санаалаах халабырдьыт хас да төгүл сууттаммыт 36 саастаах олохтоох киһи буолара биллибит.

Силиэстийэ быһаарбытынан, дьахтар киэһэ Ярославскай аатынан уулусса биир дьиэ тиэргэнинэн ааһан истэҕинэ халабырдьыт тохтоппут уонна быһаҕынан куттаан туран  төлөпүөнүн былдьаабыт. Уоруллубут төлөпүөнү атыылаабыт. РФ Холуобунай Кодексынан холуобунай дьыала тэрилиннэ. Уорбаланааччыны быстах кэмҥэ изоляторга хаайдылар. Бу туһунан ИДьМ пресс-сулууспата суруйар.