https://t.me/mvd_sakha
Бэҕэһээ киэһэ 20 чааһы ааһыыта Арассыыйа ИДьМ “Дьокуускайдааҕы” МУ 2 отделын полициятыгар Лермонтов уонна Курашов уулуссалар быһа охсуһууларыгар “Lexus” мааркалаах икки массыына суоппара айдаарсыбыттарын туһунан иһитиннэрии киирбит.
Онно тута Госавтоиниспиэксийэ уонна полиция үлэһиттэрэ тиийбиттэригэр суоппардар уопсастыбаннай бэрээдэги кэһэн, иирсээннэрин тохтоппотохтор.
Инньэ гынан 25 уонна 32 састаах олохтоох дьону полиция отделыгар аҕалбыттар. Кинилэргэ “Мелкое хулигантство” РФ КоАП 20.1 ыстатыйатын 2 чааһынан административнай боротокуол толорбуттар.
Барыллаан биллибитинэн, хараҥа внедорожниктаах суоппар Лермонтов уулуссатынан көнөтүк баран иһэн иккис кэлимсэ балаһаҕа тахсыбыт уонна утары айан балаһатыгар киирбит, ол түмүгэр Курашов уулуссатыттан уҥа диэки салаллыбыт үрүҥ өҥнөөх массыыналыын харсыспыт.
Массыынаны ыытар бырааба суох хараҥа өҥнөөх «Lexus» суоппарыгар административнай боротокуол толоруллубут. Ону тэҥэ РФ КоАП 12.15 ыст. 4 чааһынан утары балаһаҕа тахсан суол быраабылатын кэспитин иһин эмиэ.
ИДьМ Саха Өрөспүүбүлүкэтигэр пресс-сулууспата
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…