Хаартыска: Андрей Сорокин, ЯСИА
От ыйын 24 күнүгэр Дьокуускай 4-с нүөмэрдээх полициятын отделын үлэһитэ дьиэтигэр олорон, ыаллыы кыбартыыраҕа гааһынан сүһүрүү тахсарын тохтотто.
Бу туһунан ИДьМ сулууспатын Дьокуускайдааҕы отделениетын пресс-сулууспата иһитиннэрэр. Түүн үөһүн саҕана полицейскай дьиэтигэр олорон, подъезтан киирэр буруо сытын ылбыт. Тутатына баһаарынай сулууспаҕа эрийбит уонна бириэмэни сүтэрбэккэ эрэ, буруо хантан тахсарын көрдүү аллараа түспүт. Иккис этээскэ кыбартыыраттан буруо тахсара биллибит. Буруо подъезка бүтүннүүтүгэр тарҕанан, суһал дьаһаныыны ирдиирэ. Полицейскай кыбартыыра аанын тоҥсуйан барбыт уонна эр киһини уһугуннарбыт. Эр киһи утуйар уутугар сылдьан ааны арыйбыт.
Ол кэннэ полиция үлэһитэ дьиэҕэ атын дьон баарын-суоҕун түргэнник бэрэбиэркэлээбит уонна куухуньаҕа буруо төрүөтүн булбут.
Силиэстийэ быһаарбытынан, эр киһи гаас билиитэтигэр аһын сылыта ууран баран, утуйан хаалбыт, онуоха кутталлаах быһыы-майгы үөскээбит. Бу кэмҥэ быһылаан буолбут сиригэр баһаарынайдар кэлэн, уоту бохсубуттар. Полицейскай эр киһиэхэ гаас тэрилин сэрэҕэ суохтук туһаныы содулун туһунан сэрэтэр кэпсэтиини ыыппыт. Полиция үлэһитин түргэн быһаарыытын түмүгэр алдьархай тахсара тохтотулунна.
Бу кэмҥэ бааҥҥа уурунуу харчылар дойду олохтоохторугар барыыһа суох буолуохтара, онтон ипотека кирэдьииттэрэ чэпчиэхтэрэ. РФ…
Хайдах сытан утуйарыҥ доруобуйаҕар эмиэ улахан суолталаах. Учуонайдар хайалара ордук буортулааҕын быһаарбыттар, диэн суруйар…
«Объясняем.рф» саайт РФ Үөрэҕириитин министиэристибэтин «Оскуола иннинээҕи үөрэхтээһин федеральнай бырагырааматын бигэргэтии туһунан» 1028 №-дээх Ыйааҕар…
От ыйын 25 күнүттэн СӨ Тыатын хаһаайыстыбатын уонна ас-үөл бэлиитикэтин министиэристибэтин, СӨ «Агропромышленнай комплексы ресурсанан…
От ыйын 26 күнүттэн Суол быраабылаларын саҥа уларыйыылара күүстэригэр киирэллэр. Ол курдук, анал бэлиэлээх массыына…
Эдэрдэри үөрэн-көтөн эҕэрдэлиир массыыналар суоппардара суолга кутталлаах быһыыны-майгыны үөскэппиттэр, сорохторо төлөммөтөх ыстарааптаах буолан биэрбиттэр. Бэҕэһээ…