Дьокуускайга полиция үлэһиттэрэ икки бэлисипиэти уорууга уорбаланар киһини  туттулар

Дьокуускайдааҕы 4-с нүөмэрдээх полиция салаатыгар олохтоох дьахтар тиийэн Петр Алексеев аатынан уулуссаҕа турар дьиэ аттыгар түүн хаалларбыт бэлисипиэттэрин уорбуттарын туһунан сайабылыанньа суруйбут.

Полиция үлэһиттэрэ суһал-көрдүүр үлэни ыытыыларын түмүгэр Уус Алдантан төрүттээх 18 саастаах эдэр киһи кыттыгастааҕын быһаарбыттар.

Түүн дьиэлээн иһэн уорбаланааччы Петр Алексеев аатынан уулуссаҕа баар дьиэ кирилиэһигэр уорууттан харыстыыр туруоһунан хатаммыт бэлисипиэт турарын бэлиэтии көрбүт. Көмүскүүр тэрилин туура тардан баран бэлисипиэккэ олорон барбыт. Аара алдьаммытын иһин оптуобус тохтобулугар хаалларбыт. Аны Чиряев уулуссаҕа баар дьиэ аттыгар бэлисипиэт турарын көрбүт. Хатыыр тэрилин алдьатан баран иккис бэлисипиэтин уорбут. Дьиэтин аттыгар тиийэн бэлисэпиэти быраҕан кэбиспит.

Уоруллубут көлөнү булбуттар.

Холуобунай Кодекс 158 ыст. 2 ч. (“Уоруу”) холуобунай дьыала тэриллибит. Тустаах ыстатыйанан 5 сылга диэри көҥүлэ быһыллыан сөп.

Бу туһунан Дьокуускайдааҕы ИДьМ пресс-сулууспата иһитиннэрэр.