Дьокуускайга полиция үлэһиттэрэ миграция сокуонун кэһээччилэри уодьуганныыллар

Арассыыйа ИДьМ Саха сиринээҕи муниципальнай управлениетын үлэһиттэрэ Дьокуускай куорат ырыынактарыгар миграция сокуонун кэһээччилэри эппиэтинэскэ тардар сыаллаах суһал-сэрэтэр тэрээһини ыыттылар. Бу туһунан ИДьМ Саха сиринээҕи салаатын пресс-сулууспата иһитиннэрэр. 

Эпэрээссийэ кэмигэр полиция үлэһиттэрэ 33 омук гражданинын бэрэбиэркэлээтилэр. Үс миграҥҥа сыһыаннаан административнай буруйуу оҥоруунан РФ Административнай кодексын 18.8 ыстатыйатын 1.1 чааһынан уонна 19.27 ыстатыйатын 1 чааһынан дьыала тэрилиннэ.

Ону тэҥэ, олохтоох киһи РФ Холуобунай кодексын 322.3 ыстатыйатынан «Арассыыйа Федерациятыгар омук гражданинын эбэтэр гражданствота суох киһини олорор сиригэр сымыйанан регистрациялааһын» буруйу оҥорбутун чахчытыгар олоҕуран, бэрэбиэркэ ыытыллар.