@sadovnikovdd
Саха сиригэр ардаҕы түһэрэр «Полярные авиалинии» авиахампаанньа бэйэтин Ан-26 зондировщик-сөмөлүөтэ үлэтин саҕалаата. Туһааннаах көтөр аал Ил Дархан Айсен Николаев сорудаҕынан анал оборудованиенан хааччыллыбыта.
Көтөр аал Иваново куораттан аҕалыллыбыта. Иваново — Сыктывкар — Новый Уренгой — Өлөөн — Дьокуускай хайысхатынан аҕалыыга хамандыыр Константин Назмутдинов, иккис пилот Петр Перфильев, штурман Владислав Михальчук, бортмеханик Карахон Рахматуллоев уонна бортоператор Евгений Николаев үлэлээтилэр.
Ардаҕы искусственнайдык аҕалыыга Арассыыйа оборудованиетынан хааччыллыбыт гражданскай авиацияҕа бастакы сөмөлүөт буолар. Көтөр аалы Иваново куоракка 308 нүөмэрдээх авиаөрөмүөннүүр собуокка ардаҕы аҕалар анал оборудованиены: пилоннары, контейнердары уонна да атын тэриллэри таҥмыттара.
Оҥоһуу ардах киһиэхэ туох да куттала суох. Бырамыысыланнас күүскэ сайдыбыт эрэгийиэннэригэр собуоттар буруоларын кытта булкуһан кислотнай ардах үөскүөн сөп. Оттон Саха сиригэр оннук моһуоннаах фабрикалар, собуоттар суохтар. Ардаҕы оҥоруу сүрүн кыһалҕата атыҥҥа сытар. Зондировщик-сөмөлүөт көдьүүстээх үлэни оҥоророругар сөптөөх былыттар баар буолуохтарын наада.
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…
Ханнык баҕарар киһи элбэх харчылаах буолуон баҕарар. Ол эрээри, биһиги ортобутугар баай, харчыны чэпчэкитик оҥорор…