Хаартыска: Наркология диспансера
Бэс ыйын 5-7 күннэригэр Дьокуускайга өрөспүүбүлүкэҕэ уонна дойдуга олус суолталаах -– «Бииргэ үлэлээһин уонна кэлэр кэскил» диэн психиатрия уонна наркология сулууспаларын исписэлиистэрин эрэгийиэннэр икки ардыларынааҕы пуорумнрра ыытылынна. Саха сирин киин куората үс күн устата уустук боппуруостары дьүүллэһэр уонна үөрүйэҕи атастаһар былаһаакканан буолла.
Сүрүн тэрийээччилэр Наркология уонна психоневрология диспансердара ыыппыт пуорумнара 2024 сылга РФ Доруобуйатын харыстабылын министиэристибэин бырагырааматыгар киллэриллибитэ уонна үрдүк таһымнаахтык ааста.
Сүрүннүүр психиатрдар уонна наркологтар, өрөспүүбүлүкэ улуустарыттан уонна Арассыыйа 10 эрэгийиэниттэн ыарыыны сэрэтэр уорганнар бэрэстэбиитэллэрэ кыһалҕалары дьүүллэһэ, сайдыы кэскилин быһаарса итиэннэ психология, психиатрия, наркология көмөтүн оҥорорго биэдэмэстибэлэр икки ардыларыгар хардарыта бииргэ үлэлииргэ өссө көдьүүстээх хайысхыларын быһаарса Дьокуускайга муһуннулар. Ол иһигэр, Саха сиригэр «В.П. Сербскай аатынан психиатрия уонна наркология НМИЦ» ФГБУ генеральнай дириэктэрэ, РФ доруобуйа харыстабылын министиэристибэтин штаты таһынан сүрүннүүр психиатр-исписэлииһэ, психиатр-нарколога Светлана Шпорт кытынна. Светлана Вячеславовна Арассыыйаҕа психиатрия, наркология сулууспатын сайдыытыгар биллэр кылаатын киллэрбитэ. Кини эмтиир ньыматынан, стандартарынан биһиги өрөспүүбүлүкэбит быраастара үлэлииллэр.
Пуорум пленарнай мунньаҕар СӨ бырабыыталыстыбатын бэрэссэдээтэлин солбуйааччы Георгий Степанов, СӨ доруобуйа харыстабылын миниистирэ Лена Афанасьева, Уһук Илин федеральнай уокурукка уонна Забайкалье кыраайыгар Доруобуйа харыстабылын министиэристибэтин штаты таһынан сүрүннүүр психиатр-исписэлииһэ Ольга Ступина уо.д.а. кытыннылар.
Георгий Степанов пуорум аһыллыытыгар дьон психикатын уонна психологияны кытта сибээстээх идэ судургута суоҕун, идэлэрин баһылаабыт дьон киһи доруобуйатын туһугар өй-санаа өттүнэн бэлэмнэрин бэлиэтээтэ.
Лена Афанасьева: «Кырдьык, инники кэскилбит үчүгэй, биһиги уопсастыбаҕа тахсар уларыйыыларга барытыгар бэлэм буолуохтаахпыт», -– диэтэ.
Эрэгийиэннэр икки ардыларынааҕы пуорум түмүгэр резолюция ылылынна. Түмүккэ Наркология өрөспүүбүлүкэтээҕи диспансерын кылаабынай бырааһа Альбина Сивцева психиатрия уонна наркология сулууспаларын куруук саҥардар, үчүгэй түмүктэри ылар, уйулҕа доруобуйатын тупсарар туһугар ыччат болҕомтотун күүһүрдүү наадатын бэлиэтээтэ.
ҮНаркология уонна психоневрология диспансердарын пресс-сулууспатын матырыйаалынан)
Оҕо уһуйааҥҥа сылдьарыгар адаптацията хайдах ааһыахтааҕын туһунан Объясняем.рф телеграм-ханаал быһаарар: [gallery ids="240608,240613,240610,240609,240612,240611"]
Бүгүн, балаҕан ыйын 9 күнүгэр, Саха сирин сорох улуустарыгар быстах ардыыра, инчэҕэй хаар түһэрэ уонна…
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…