Хаартыска: ЯСИА
Сэтинньи 23 күнүгэр Дьокуускайга «Психологтары кытта аһаҕас күн» ыытыллыаҕа. Саха сирин олохтоохторо идэтийбит психологтары кытта билсиһэр, сыаналаах билиини уонна өйөбүлү ылар кыахтаныахтара.
50-тэн тахса идэлээх психологтар, психотерапевтар уонна коучтар «Этичные и Смелые» түмсүүлэрэ тэрийэр. Босхо тэрээһин чэрчитинэн, баҕалаахтар идэтийбит психологтан туссирэй көрсөн экспресс-консультацияны ылыахтарын, «Доруобуйа», «Сайдыы», «Дьиэ кэргэн уонна сыһыаннар» курдук сүрүн тиэмэлэргэ маастар-кылаастарга, лиэксийэлэргэ сылдьыахтарын сөп.
«Биһиэхэ идэтийбит психологическай көмө туга буоларын – ханна билии, этика уонна эппиэтинэс баарын көрдөрөр наада. Дьон кимиэхэ итэҕэйиэххэ сөбүн араарбаттар уонна чэпчэки быһаарыылары батыһалар. Биһиги бу уратыны өйдүүргэ көмөлөһүөхпүтүн уонна психологка уоскулаҥнык уонна итэҕэллээхтик кэлиэххэ сөбүн көрдөрүөхпүтүн баҕарабыт», — диэн «Этичные и Смелые» түмсүү көҕүлээччитэ, психологическай наука хандьыдаата, PCC ICF коуч Мария Нафанаилова бэлиэтиир.
Санаттахха, былырыын «Психологтары кытта аһаҕас күн» 400-тэн тахса кыттааччыны түмпүтэ. Тэрийээччилэр быйыл интэриэс өссө үрдүөҕэр уонна хаачыстыбалаах психологическай көмө туһунан билиилэри-көрүүнү үрдэтиигэ, өҥөлөр дьоҥҥо-сэргэҕэ тиийимтиэлэрин кэҥэтиигэ, ону тэҥэ психологтар үлэлэрин туһунан мифтэри уонна стереотиптары үрэйиигэ көмөлөһүөҕэр эрэнэллэр. Араас хайысхаларынан үлэлиир психологтары, психотерапевтары, коучтары, М.К. Аммосов аатынан ХИФУ Психология институтун учуонай-преподавателлэрин кытта «аһаҕас» күн ыытыллар смарт-бибилиэтиэкэҕэ босъхо ыытыллар. Тэрээһин буолар сиртн аадырыһа: СМАРТ-бибилиэтиэкэ, Дьокуускай к., Ларионов уул., 12А. Күн устата 10:00–17:00 ч. диэри ыытыллар.
Яна Байгожаева
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…