Дьокуускайга «Работа России. Время возможностей» дьаарбаҥка ыытылынна

Бүгүн, бэс ыйын 23 күнүгэр, Дьокуускайга «Өрөгөй» успуорт киинигэр «Работа России. Время возможностей» Арассыыйатааҕы дьаарбаҥка ыытылынна.

Манна үлэтэ суохтар, эбэтэр үлэлэрин уларытыан баҕалаах дьон бэйэлэригэр сөптөөх идэлэрин булуохтарын сөп. Быйыл үөрэхтэрин бүтэрбит ыччат бастакы үлэлэрин көрдөнө кэлбит.

Дьаарбаҥкаҕа элбэх тэрилтэ кыттыыны ылла: «Роснефть», «Полиметалл», «ЯТЭК», «Сахатранснефтегаз», «Офсет» уо.д.а. Ону таһынан үрдүк, орто үөрэхтэр бэрэстэбиитэллэрэ эмиэ бэйэлэрин туһунан билиһиннэрэ, көрдөрө кэлбиттэр. Оскуоланы бүтэрбит оҕолорго уонна кинилэр төрөппүттэригэр бу дьаарбаҥка эмиэ туһалаах. Араас маастар-кылаастар, быыстапкалар, квиз-оонньуулар буоллулар.

Бу тэрээһин улахан уратыта уонна кэрэхсэбиллээҕэ диэн, Саха сирин киин куоратыгар эрэ буолбакка, улуустарга эмиэ маннык дьаарбаҥка буола турар эбит.

Нарыйаана Ушатова.