Дьокуускайга «Регул Мото» матасыыкылы уорбуттар

Ааспыт сууккаҕа Саха сиригэр түөрт буруйу оҥоруу буолбутун туһунан СӨ Борокуратуурата иһитиннэрэр.

Киин куоракка баан счетуттан 60 тыһ.солк. уоруу туһунан иһитиннэрбиттэр. Итиэннэ «Регул Мото» матасыыкылы уорбуттара биллибит.

Итирэн баран иккистээн уруулга олорбут суоппардар тутуллубуттар. Ону таһынан сымыйа бэлиэлэрдээх суоппар быраабын туһаммыттара биллибит.

Киһи өлүүлээх суол быһылаана бэлиэтэммэтэх.

Суукка устата итирик туруктаах 24 суоппары туппуттар.