Хаартыска; Андрей Сорокин, ЯСИА
Атырдьах ыйын 15 күнүгэр, бээтинсэҕэ, Дьокуускай куоракка РФ ИДьМ миниистирэ Владимир Колокольцев кэллэ. Арассыыйа Федерациятын Ис дьыалаларын миниистирэ СӨ Ил Дархана Айсен Николаевы кытта оробуочай көрсүһүүтүн ыытта.
Федеральнай биэдэмистибэ салайааччыта Саха сиринээҕи ИДьМ үлэтин үрдүктүк сыаналаата. Өрөспүүбүлүкэ силиэстийэлэммит буруйу оҥоруулар ахсааннарын үүнүүтүн тэтиминэн бастыҥ уон эрэгийиэн ахсааныгар киирбит.
Буруйу арыйыы уопсай көрдөрүүтэ 57,8% тэҥнэстэ, бу Уһук Илиҥҥэ уонна Арассыыйаҕа орто көрдөрүүттэн быдан үрдүк.
Көрсүһүүгэ информационнай-коммуникационнай технологиялары туһанан оҥоһуллар буруйдары утары охсуһууга бииргэ үлэлээһин боппуруостара дьүүллэстилэр. Ону таһынан, өрөспүүбүлүкэ суолларыгар суол-тырааныспар быһылааннарын ахсаанын аҕыйатыыга болҕомто уурулунна.
Эрэгийиэҥҥэ буруйу оҥоруу ахсаана 0,7% аҕыйаабыт. Владимир Колокольцев Ил Дархаҥҥа ыкса сибээстээх үлэтин иһин махтанан, «Саха Өрөспүүбүлүкэтигэр быраабы кэһиини сэрэтии» бырагыраама чэрчитинэн эрэгийиэн бүддьүөтүн суотугар атыылаһыллыбыт миграция уонна суолга куттал суох буолуутун хайысхаларынан судаарыстыбаннай өҥөнү оҥорор Сомоҕо киини үрдүктүк сыаналаата.
Билигин бу бырагырааманан Нерюнгри оройуонун Иенгра сэлиэнньэтигэр полиция поһа тутуллар. Билиҥҥи туругунан Өлөөн сэлиэнньэтигэр биир модульнай дьаһалта дьиэтэ тиэрдиллиэҕэ.
Айсен Николаев өрөспүүбүлүкэ былаастара быраабы араҥаччылааһын боппуруостарыгар улахан болҕомтону ууралларын бэлиэтээтэ уонна биэдэмистибэ таһаарыылаахтык үлэлииригэр усулуобуйаны тэрийиигэ инникитин да көмөлөһөргө бэлэмин биллэрдэ.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…