Хаартыска: Уопсастыбаннай балаата
Атырдьах ыйын 1-2 күннэригэр Дьокуускайга РФ Уопсастыбаннай балаататын “Сообщество” пуорума ыытыллар.
РФ Уопсастыбаннай балаатата маннык пуоруму 2015 сылтан ыла сыл аайы ыытар. Пуорум аһаҕас былаһааккаларыгар кыттарга тыһыынчаттан тахса киһи баҕатын биллэрэн, бүгүн кэмиэрчэскэйэ суох тэрилтэлэр, дьоҕус биисинэс, бэрэстэбиитэллэрэ, уопсастыбанньыктар, волонтердар, социальнай үлэнэн дьарыктаныан баҕалаахтар уо.д.а. муһуннулар.
Атырдьах ыйын 1 күнүгэр, пуорум үлэтин хас да былаһаакканан саҕалаата. Пуорумҥа араас дьүүллэһиилэр, “төгүрүк остуоллар”, маастар-кылаастар, сэминээрдэр уонна оробуочай мунньахтар тэҥинэн ыытыллаллар. Кэрэхсэбиллээҕэ диэн, хас биирдии былаһааакка ыытыллар саалалара тобус-толорулар.
“Уһук Илин демографиятын урутаан сайдыыта” былаһаакка Уһук Илин уокурук 2025 сылга диэри урутаан сайдыытыгар ананна (Модератор — РФ Уопсастыбаннай балаататын демография, дьиэ кэргэн, оҕо аймах уонна дьиэ кэргэн үгэс буолбут сыаннастарыгар хамыыһыйатын бэрэссэдээтэлэ Сергей Рыбальченко). Бу былаһааккаҕа кэпсэтии » Демография көрдөрүүтэ үс сүрүн тутултан: төрөөһүн, өлүү уонна көһүү (миграция) туругуттан быһаччы тутулуктаах. Демография — биһиги кэскилбит, ыччаттарбыт, оҕолорбут, сиэннэрбит. Биһиги кинилэргэ тугу хаалларабыт?» — диэн ыйытыылар тула барда. Оҕо төрөөһүнэ элбээһинигэр араас дьаһаллар ыытыллаллар. Холобур, Приморье кыраайыгар 2023 сылтан ыла үһүс уонна онтон кэлэр оҕолорго “Биир мөлүйүөн” диэн бырагыраамалаахтар. Сахалин уобалаһыгар элбэх оҕолоох ыаллары өйүүүһүн дьаһалларын суотугар нэһилиэнньэ ахсаана элбиирин ситистилэр.
Саха Өрөспүүбүлүкэтигэр “территория трезвости” технология көмөтүнэн өлүү ахсаана аҕыйыыр, 2023 сыл бэс ыйыгар Саха сирин олохтооҕо 1 мөлүйүөҥҥэ тиийдэ. Мантан да атын боруобалааһыннар, туһалаах уопуттар Арассыыйа атын эрэгийиэннэригэр туһаныллыахтарын эмиэ сөп.
Икки күннээх пуорум сүрүн соругунан эрэгийиэннэргэ гражданскай уопсастыба сайдар туругун уонна социальнай хайысхалаах үлэлэри быһаарыы, баар кыһалҕалары дьүүллэһии уонна ону быһаарар суоллары тобулуу, бастыҥ уопуттары Арассыыйа эрэгийиэннэригэр тарҕатыы буолаллар.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…