Дьокуускайга «Руслан» маҕаһыын 800 кв.м. уокка былдьанна

Бүгүн, ахсынньы 12 күнүгэр, сарсыарда 50 лет Советской Армии уулуссаҕа баар тыа хаһаайыстыбатын тиэхиньикэтин уонна саппаас чаастары атыылыыр «Руслан» маҕаһыыҥҥа баһаар буолла. Уот 800 кв.м. ылбыта билиннэ. Баһаарынайдар үрдүк рангалаахтык үлэлээтилэр диэн СӨ ЫБММ сүрүн управлениета иһитиннэрэр.

Уоту умуорууну эбийиэк ураты планировката уонна түргэнник умайар мал баара уустугурдубут. Итиэннэ улахан тымныылар түһэннэр эмиэ кэккэ мэһэйдэри үөскэппит.

Маҕаһыын үрдэ, үрдүн ис сабыыта уонна эбии тутуллан турар гараас ордук эмсэҕэлээбиттэр. Өлбүттэр уонна эчэйбиттэр суохтар.

Баһаарынайдар аттыгар турар тутууларга уот тиийбэтин гына үлэни ыыттылар. Маҕаһыын аттыгар сапыраапка турар.

Баһаары бохсууга 50-тан тахса киһи, 12 тиэхиньикэ үлэлээтэ.

Быһылаан миэстэтигэр ЫБММ дознавателэ үлэлиир. Баһаар төрүөтэ, буруйдаахтар уонна хоромньу быһаарыллар.