Дьокуускайга сааһырбыт дьахтар ураты ыар буруйу оҥорон көҥүлэ быһылынна

Дьокуускай куорат борокуратуурата 64 саастаах дьахтарга сыһыаннаан ыар буруйу оҥорууга буруйдааһыны өйөөтө. Кини РФ Холуобунай кодексатын 111 ыст. 4 чааһынан буруйданар диэн СӨ Борокуратуурата иһитиннэрэр.

Суут быһаарбытынан, дьахтар итирик туруктаах сылдьан, гражданскай эрин кытары иирсэн баран илиитинэн-атаҕынан элбэх охсууну оҥорбут, ону таһынан тимир хобордооҕунан этин-сиинин араас чаастарынан, ол иһигэр төбөтүн эчэппит. Эр киһи төбөтүгэр ыарахан эчэйиини ылан балыыһаҕа киирэн тыына быстыбыт.

Суут судаарыстыбаннай буруйдааччы санаатын учуоттаан, дьахтары 4 сыл 6 ый уопсай эрэсиимнээх хаайыыга буруйун боруостуурга уураахтаата. Бириигэбэр сокуоннай күүһүгэр киирэ илик.