Хаартыска: sakha.gov.ru ылылынна
Дьокуускайга 253 миэстэлээх 1 №-дээх оскуола аанын аһыа диэн иһитиннэрэллэр.
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников социальнай эбийикэтэри тутууга аналлаах мунньаҕы ыытта.
Мунньах иитинэн Дьокуускай куоракка 1 №-дээх оскуола тутуутун дьүүллэстилэр. Эбийиэк билиҥҥи туругунан 98 % бэлэм буолбут. Билигин ис өттүн оҥороллор, уот ситимин үлэтэ түмүктэнэр. Маны сэргэ, кыһа турар сирин-уотун тупсарыы салҕанар.
Бэлиэтээбиттэринэн, миэбэл, тэрил толору аҕалыллыбыт, хомуйуу түмүктэммит, кылаастарга миэбэли, оргтиэхиньикэни туруортаабыттар. Оскуоланы кулун тутарга үөрүүлээх быһыыга-майгыга арыйар былааннаахтар.
—Куорат киинигэр үчүгэй эбийиэк тутуллан киирэриттэн үөрэбит, — диэн этэр Дмитрий Садовников. Бу оҕолорго, төрөппүттэргэ ордук үөрүүлээҕин бэлиэтиир.
Маны сэргэ, мунньахха Дьокуускай куорат Пирогов уулуссатыгар 4 №-дээх анал (коррекционнай) уопсай үөрэхтээһин оскуолатын тутуу боппуруоһа көрүлүннэ. Маны таһынан, өрөспүүбүлүкэ арктическай зонатыгар доруобуйа харыстабылын бастакы сүһүөх звенотун эбийиэктэригэр болҕомто уурулунна. Алта модульнай эбийиэги, ол иһигэр Булуҥҥа Сииктээххэ, Муомаҕа Кулун Өлбүккэ, Усуйаанаҕа Уйаандьыга, Эбээн Бытантайга Дьарҕаалаахха биэлсэр-акушер пууннарын, Орто Халымаҕа Сыбаатайга амбулаторияны тутуу туһунан дьүүллэстилэр.
Сиһилии: https://www.sakha.gov.ru/news/18795
СӨ Ил Дарханын уонна Бырабыыталыстыбатын пресс-сулууспата
Дьокуускайга 4 №-дээх полиция отделын дьуһуурунай чааһыгар эр киһи подъезка киниэхэ ыала саба түспүтүн туһунан…
Саха ыалын сиэрэ-туома. Кыыс оҕо, дьахтар харысхалын туомнарыттан салгыы таһаарабыт. Маны көрүҥ. Таһырдьа оонньуу сылдьан,…
Саха сирэ Арассыыйа эрэгийиэннэрин ортолоругар хоруупсуйаны утары охсуһууга үлэтинэн рейтиҥҥэ 7 -с миэстэҕэ сылдьар. Бэлитиичэскэй…
Бу күннэргэ бойобуой дьайыылар бэтэрээннэрэ Захар Слепцов суоппар дастабырыанньатын ылла. 2022 сыллаахха күһүн Захар мобилизациянан сулууспаҕа…
Бу күннэргэ Үөһээ Бүлүүтээҕи техникум үлэһиттэрэ уонна устудьуоннара байыаннай дьайыыга сылдьар уонна госпиталларга сытар уолаттарга…
"Колмар" хампаанньа ситиһиилэрин, 2025 сылга үп-харчы уонна экэнэмиичэскэй көрдөрүүлэрин, 2026 сыллааҕы былааннарын туһунан мунньаҕы Ил…