Дьокуускайга «Үлэ кыбаартала» креативнай кластерга субуотаҕа, алтынньы 12 күнүгэр, саха анимациятын TO:KU FEST бэстибээлэ саҕаланна.
Тэрээһин саха анимациятынан дьарыктанааччыларын барыларын түмэр былаһааккатынан буолар: устуудьуйалар, сценаристар, худуоһунньуктар, композитордар уо.д.а. Бэстибээл биир сүрүн тэрийээччитинэн «Саха» НКИХ хампаанньа буолар. Хампаанньа баазатыгар «Тооку» уонна «Айтал уонна Аптаах күүс» ойуулук сериаллара тэриллибитэ, ону тэҥэ 1000-тан тахса Арассыыйа ойуулуктарын сахалыы тылынан саҥардыллыбыта.
Хампанньа генеральнай дириэктэрэ Олег Марков бэстибээл быйыл сүрэхтэммит «Тооку» ханаал иһининэн ыытылларын бэлиэтээтэ. «Бастакы сахалыы киинэлэр «Саха» НКИХ иһинэн уһуллубуттара. Билигин бары саха кинематографиятын өрө тахсыытын туһунан кэпсииллэр. Сотору кэминэн саха анимациятын ситиһиилэрин туһунан эмиэ итинник сөҕө-махтайа кэпсиир буолуохпут диэн эрэнэбин», — диэтэ кини.
Казахстантан «Таскын» анимационнай устуудьуйа директора Мадина Сукбаева Саха сиригэр креативнай индустрияны улаханнык өйүүллэрин «үчүгэйинэн» сыаналаата. «Таскын» казах тылыттан «сүүрээн» диэн суолталанар. Устуудьуйа казах норуотун култуурунай куодунан бородууксуйатын тарҕатар санаалаах. «Саамай сүрүнэ диэн бу эйгэҕэ үлэлээн элбэх үбү-харчыны ылыахха, ситиһиилээх буолуохха, эйэни баһылыахха сөп диэн билиэхтэрин наадалаах», — диэн дириэктэр саха эдэр ыччатыгар туһаайан кэпсээтэ. Бэстибээлгэ киириитэ босхо.
Билиҥҥи кэмҥэ дьон тэлгэһэлэригэр саха балаҕанын хото туттар буоллулар. Куорат сиргэ даачаларыгар тутталлар, сайын тахсан…
Муус устар 24-ыам ыйын 9 күннэригэр Саха сиригэр “Георгиевскай лиэнтэ” Бүтүн Арассыыйатааҕы аахсыйа ыытыллар. Лиэнтэлэри…
Биһиги ийэбит РСФСР Үөрэҕириитин туйгуна, «Учууталлар учууталлара» бэлиэнэн биһирэммитүлэлээх, педагогическай үлэ бэтэрээнэ, Дьүлэй нэһилиэгин бочуоттаах…
Бу нэдиэлэҕэ, муус устар 21-30 күннэригэр "Симэх" арт-солуоҥҥа (Аржаков уул. 6) П.Н. уонна Н.Е.Самсоновтар ааттарынан…
Саха сиригэр бэс ыйын 19 күнүттэн "Үрүҥ аал" (18+) диэн киинэ көстөрүн туһунан "Сахафильм" киинэ хампаанньата…
Саха сирин олохтоохторо муус устар 30 күнүттэн ыам ыйын 9 күнүгэр диэри Аҕа дойду Улуу…