Хаартыска: Саргын Скрябин, ЯСИА.
Харлампий Дьяконов “Саха” ГТРК-ны 2004 сылтан 2021 сылга диэри салайбыта.
Саха телевидениетын күнүгэр Дьокуускайга “Саха” ГТРК бастакы дириэктэригэр Харлампий Назаровка мемориальнай дуоска арыллыыта буолла. Эрэгийиэн социальнай-экэнэмиичэскэй олоҕор уонна СМИ сайдыытыгар кылаатын бэлиэтээн туран, өйдөбүнньүк бэлиэ телерадиохампаанньа дьиэтигэр уурулунна.
Үөрүүлээх тэрээһиҥҥэ “Саха” ГТРК дириэктэрэ Ирина Гоголева тыл этэригэр, Харлампий Дьяконов тэрийбит хампаанньатын Уһук Илиҥҥи федеральнай уокурукка уонна бүтүн дойду үрдүнэн инники күөҥҥэ сылдьар СМИ-лэр кэккэлэригэр тиэрдибитин бэлиэтээтэ. Кини салалтатынан цифровой биэриигэ көһүү оҥоһуллубута, филиаллар ситимнэрэ тэриллибитэ, хампаанньа суруналыыстара хаста даҕаны бочуоттаах профессиональнай куонкурустарга, ол иһигэр TЭФИ тэлэбиидэнньэ бириэмийэтигэр лауреат буолбуттара.
Биир идэлээхтэрэ уонна бииргэ үлэлиир дьоно 1990-с сылларга дьарыктаах буолуу сулууспатын сайдыытыгар сүрүн оруолу ылбытын, көхтөөх уопсастыбаннай уонна сокуону оҥорор үлэтин, экэниэмикэҕэ научнай ситиһиилэрин бэлиэтээтилэр. «Сахамедиа» РИИХ генеральнай дириэктэрэ Виктор Колесов Харлампий Дьяконовы систиэмэлээх, толкуйдаах салайааччы быһыытынан бэлиэтээтэ. «Бэйэтин хамаандатын харыстыыр, кыһаллар киһи этэ. Кини салалтатынан айар кэлэктииби өйүүргэ үгүс быһаарыылар ылыллаллара, ол иһигэр бириэмийэлэри туттарыы, дьиэнэн хааччыйыы», — диэн Виктор Колесов бэлиэтээтэ.
Саха ГТРК-ҕа «Радио России» араадьыйа биэрии сулууспатын начаалынньыга Иннокентий Киренскэй бииргэ үлэлээбит сылларын туһунан ахтыы оҥордо. «Кини саха тэлэбиидэнньэтин уонна араадьыйатын биэриилэригэр биир кэлим информационнай эйгэни оҥорууга элбэх сыратын биэрбитэ. Кини салалтатынан тэлэбиидэнньэ биэриитэ үс төгүл элбээбитэ, оттон араадьыйанан биэрии суукка устата буолар буолбута. Кини тэлэбиидэнньэ уонна араадьыйа биэриилэрин пуондатын оҥорбута, онно 1960-с сылларга уһуллубут уонна 1930-с сыллартан ыла суруллубут матырыйааллар киирбиттэрэ”,- диэтэ Киренскэй.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…