Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн кинигэтин сүрэхтэниитэ буолла.
Тэрээһиҥҥэ научнай уонна уопсастыбаннай эйгэ бэрэстэбиитэллэрэ кытыннылар. Таһаарыы Нуучча географическай уопсастыбатын саха хамаандатын Арктикатааҕы эспэдииссийэтигэр ананар. Кинигэҕэ Хотугу Муустаах акыйаанынан Де Лонг архипелагын Беннетт арыытыгар диэри бэйэ оҥоһук эрэһиинэ катамараннарынан айаннаабыт бөлөх сырыыта кэпсэнэр. Маршрут кэмигэр кыттааччылар Лаптевтар муораларын түөртэ, оттон Илин Сибиирдээҕи муораны иккитэ туораабыттар. Туспа салаа айан кэмигэр сылдьыбыт географическай пууннарга ананар. Аан бастаан эрэһиинэ аалларынан Улахан Ляховскай, Кыра Ляховскай, Бунге сирэ, Фадеевскай уонна Саҥа Сибиир арыыларыгар тиийбиттэрэ эспэдииссийэ матырыйаалларыгар бэлиэтэммит. Эспэдииссийэ үлэтин чэрчитинэн экологическай кэтээн көрүүлэр ыытыллыбыттар, гербарий хомуллубут уонна научнай чинчийиилэр толоруллубуттар. Ол түмүктэринэн Арктика илин өттүгэр цунами үөскүөн сөбө төрүөттэммит, ону таһынан элбэх балык саппааһа баара бэлиэтэммит.
«Биһиги килиимэт төһө күүскэ уларыйарын көрдөрө сатаатыбыт. Биһиги уопсастыбабыт уларыйыыларга бэлэмэ суох уонна кыһалҕаҕа чэпчэкитик сыһыаннаһар. Арктикаҕа муус ууллуутун кээмэйин бу холобурунан чаҕылхайдык көрдөрүөххэ сөп. 1903 сыл атырдьах ыйыгар Колчак Беннетт арыытыгар мууһунан тиийбит буоллаҕына, 2022 сыл атырдьах ыйыгар биһиги арыыга аһаҕас уунан тиийдибит. Биһиги мууһу Благовещенскай проливка биир эрэ сиргэ көрдүбүт, оттон атын сүүһүнэн килэмиэтир мууһа суох этэ», — диэн кэпсээтэ Николай Находкин. Сиһилии: https://www.sakha.gov.ru/news/17295
Бултуулларын сөбүлүүр дьоҥҥо, булчуттарга маннык бэртээхэй сүбэ баар. Бастатан, айылҕатын быһыытынан тыһы ыт ордук…
Бүлүү өрүс хаҥас кытылын гаастааһын улахан бырагырааматын олоххо киллэриигэ, 2026-2031 сс. Үөһээ Бүлүү улууһугар Харбалаҕа,…
Саха сиригэр удаҕан көмүүтэ көһүннэ диэн иһитиннэрии төһө оруннааҕын билээри, саха биллэр этнографтарыттан биирдэстэрэ, Ем.…
Мииринэй оройуонун ИДьМ отделын дьуһуурунай чааһыгар Мииринэй олохтооҕо дьахтар баайын-дуолун алдьаппыттарын туһунан сайабылыанньа суруйан киллэрбит.…
Куоракка күн аайы пааркаҕа хаалыктаах хаамыынан дьарыктанар, бассейҥҥа сөтүөлүүр, норуокка биллэринэн Сүүрүк Балбаараны киэн тутта…
Атамай нэһилиэгэр Ала ууһа Атамайтан айдарыылаах, биир өбүгэттэн төрүттээх-уустаах, Нам улууһуттан Таастаах уонна Салбаҥ нэһилиэктэрэ…