Сахагов
Бу тэрээһин Дьокуускайга алтынньы 30 күнүттэн сэтинньи 1 күнүгэр диэри ыытыллар.
Тэрээһиҥҥэ ХИФУ устудьуоннарын түмсүүлэрэ, Саха сирин Ыччат Ассамблеята, Хабаровскай кыраай Ыччат Ассамблеята кытталлар.
Саха Өрөспүүбүлүкэтин тас сибээскэ уонна норуоттар дьыалаларыгар миниистирин солбуйааччы Татьяна Пяткина марафон кыттыылаахтарын эҕэрдэлээтэ. Кини бу тэрээһин норуоттары сомоҕолуурун уонна Саха сирэ бу дьыала сайдыытыгар улахан оруолун бэлиэтээтэ.
Пуорум ыалдьыттарынан Дагестан судаарыстыбаннай университетын ыччакка көхтөөх гражданскай позицияны иҥэриигэ боппуруостарын сүрүннүүр киинин салайааччыта Магомед Магомедов, “Хабаровскай кыраай норуоттарын ыччат Ассамблеята” Хабаровскай кыраайдааҕы уопсастыбаннай тэрилтэ бырайыактарын сүрүннээччи Екатерина Кукель буоллулар.
“Иитии, профилактика, ыччат бэлиитикэтин тиэмэлэринэн дьарыктанар субъектары кытта сөптөөх сыһыаны олохтуохха. Саха сиригэр иккис сырыым уонна эһиги араас таһымнаах тэрилтэлэри доҕордоһууга, сомоҕолоһууга түмэҕит диэн эрэллээхтик этэбин. Маннык киэҥ хабааннаах тэрээһиннэри былаас уорганнара, Хотугулуу-Илиҥҥи федеральнай университет, Норуоттар доҕордоһууларын дьиэтэ уонна Ыччат Ассамблеята бары бииргэ үлэлээн, өйүүллэрэ хайҕаллаах”, — диэн бэлиэтээтэ Магомед Магомедов.
Марафон бүгүн АГАТУ-га ыытылла турар. Устудьуоннар, преподавателлэр, эспиэрдэр, ыалдьыттар, конфессиялр бэрэстэбиитэллэрэ “Духовное единство народа “ тиэмэҕэ кэпсэтэллэр.
Маны А.Е.Кулаковскай аатынан Норуоттар дооҕрдоһууларын дьиэтэ, СӨ Норуоттарын Ыччатын Ассамлеята – “Мы-Россияне” Арассыыйа Норуоттарын Ыччат Ассамблеята тэрийэллэр. Марафону СӨ Тас сибээскэ уонна норуоттар дьыалаларыгар министиэристибэтэ уонна СӨ Ыччат дьыалаларыгар уонна социальнай коммуникацияларга министиэристибэтэ өйүүллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…