Дьокуускайга «Саха сирин балыга» дьаарбаҥка үлэлээтэ

Киин куоракка Хомсомуол болуоссатыгар сыл ахсын ыыттылар «Саха сирин балыга» дьаарбаҥка  үлэлээтэ. Дьаарбаҥка алтынньы 27 күнүгэр диэри сарсыарда 10.00-тан киэһэ 17.00 чааска диэри үлэлиэҕэ.

Сибиэһэй балыгы уонна балык араас бородууксуйатын Булуҥ, Усуйаана, Аллайыаха, Аллараа Халыма уонна Кэбээйи улуустарыттан общиналар уонна оҥорон таһаарааччылар аҕалан атыыга таһаардылар.

Бүгүн 11.00 чаастан дьаарбаҥка үөрүүлээх аһыллыытын сиэрэ-туома буолуоҕа. Сүрүн түгэнинэн 150 киилэ кыһыллыбыт балыгы бэлэмниэхтэрэ. Балыгы кыһыыга уопуттаах маастардар үлэлиэхтэрэ. Ону таһынан араас күрэхтэһиилэр ыытыллыахтара. Бу туһунан Тыа хаһаайыстыбатын министиэристибэтин пресс-сулууспата иһитиннэрдэ.

Санатан эттэххэ, дьаарбаҥкаҕа киирбит харчы байыастары өйүүргэ ананыа.

Дьаарбаҥка быйыл 14-с төгүлүн ыытыллар. Атыылаһааччыларга сибиэһэй ыыһаммыт, тууһаммыт балык арааһын атыылыыллар. Балык көрүҥэ элбэх — чиир, уомул, муксуун, тууччах, собо, о.д.а..