Хаартыска: ЯСИА
Дьокуускайга сылгы туризмын, сылгы пиэрмэтин, түмэлин, оскуолатын, о.д.а. сайыннарар былааннаахтар. Киин куорат мэриятыгар эбийиэк тэриллиитин боппуруостарыгар киэҥ хабааннаах мунньах ыытылынна.
«Дьокуускайга саха норуотун биир сүрүн дьарыгын быһыытынан саха сылгытын киэҥ эйгэҕэ тарҕатыы сыаллаах саҥа киин наада диэн санааҕа кэллибит. Киин тэбэр сүрэҕинэн ат туризмын кытары сибээстээх биисинэс тэриллиэн сөп — дьарыктанар кыахтаах бэлэм урбаанньыттар бааллар. Киини тэрийии миэстэтигэр саха норуотун-сэргэтин, ону сэргэ кэрэ айылҕалаах эбийиэктэрин кытары сибээстээх дьикти историческай миэстэлэр, пааматынньыктар бааллар», — диэн кэпсээтэ ТГ-ханаалыгар Дьокуускай куорат баһылыга.
Евгений Григорьев этэринэн, сылгы пиэрмэтин сайыннарыы көрүҥүнэн агротуризм хайысханан туристар сылгы иитиитин уонна кымыс оҥорон таһаарыы дьарыгын кытта билсиэ этилэр.
«Манна саха сылгытын түмэлэ Дугуйдаан Винокуров туруорсуутунан, ону таһынан сувенирнай бородууксуйа, дегустация уонна кымыс атыыта, иппотерапия, о.д.а. тэриллиэ этилэр», — диир куорат мээрэ. Сүбэ мунньахха Тыа хаһаайыстыбатын миниистирэ Артем Александров, айанньыт уонна саха боруодатын популяризатора Артем Винокуров, Ат успуордун Федерациятын толорооччу дириэктэрэ Поликарп Барахсанов, бааһынай хаһаайыстыба баһылыга Петр Неустроев, ЯРО ВООПИК салайааччыта Руслан Васильев кытыннылар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…