Хаартыска: социальнай ситимнэртэн
Муус туруутунан Айылҕа харыстабылын министиэристибэтин исписэлиистэрэ уонна уопсастыбанньыктар Дьокуускай куорат Сайсары күөлүгэр кустары тутан саҕалаатылар.
Албын астаах анал туһахтар туруорулуннулар, олору кэтээн көрөллөр, диэн ЯСИА иһитиннэрэр.
«Эспиэрдэр сабаҕалыылларынан, көтөрдөр аһаары түүн Өлүөнэ эбэҕэ көтөллөр. Биһиги туһахтары туруордубут. Олору сарсыардаттан киэһээҥҥэ диэри биһиги үлэһиттэрбит уонна кустары бэйэлэригэр кыстата ылыан баҕалаах уопсастыбанньыктар кэтииллэр. Көтөрдөр эмсэҕэлээбэттэрин туһугар, түүнүн туһахтары ииппэппит. Кустар билиҥҥитэ чугаһаабаттар. Кустар киһини чугаһаппаттарыттан, тутарга уустуктар үөскүүллэр. Хас куһу тутар кыаллара уонна хаһан түмүктэнэрэ билиҥҥитэ биллибэт», — диэн ЯСИА-ҕа СӨ Айылҕа харыстабылын министиэристибэтин булт хаһаайыстыбатын уонна булт ресурсаларын харыстааһын департаменын салайааччыта Владимир Решетников иһитиннэрдэ.
Куорат олохтоохторун туруорсууларынан булт департамена Дьокуускайга Талай күөлү уонна Тургенев ханаалын эмиэ бэрэбиэркэлээбит, ол эрээри кустар ол сирдэртэн көппүттэр. Атын уулаах сирдэргэ кустары көрсүбүт дьон бу туһунан өрөспүүбүлүкэ Айылҕа харыстабылын министиэристибэтигэр биллэриэхтэрин сөп.
«Билигин Сайсары күөлгэ кустары аһынан албыннаан уонна көтөрдөр киириэхтээх анал хааччахтаммыт сирдэринэн тута сатыыллар. Санаабар, тутарга ордук табыгастаах ньымалары толкуйдуохха наада. Көтөрдөр билиҥҥитэ көтөргө сөптөөх күүстээхтэрин көрөбүт. Кинилэр түүнүн толору тоҥо илик чугастааҕы күөллэргэ уонна Өлүөнэ эбэҕэ аһыыллар быһыылаах», — диэн РНА СС Криолитозона биологическай проблемаларын институтун зоологическай чинчийии отделын старшай научнай үлэһитэ Евгений Шемякин кэпсээтэ.
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…
Дьокуускайга чааһынай дьиэҕэ 17, 11 уонна 9 саастаах оҕолор ититии систиэмэтиттэн тахсар гаастан үгээрдээбиттэр. Борокуратуура…