Дьокуускайга Sakha Wave тыыннаах муусука акселератора саҕаланна

2025 сыл кулун тутар 25 күнүгэр диэри «Үлэ кыбаартала» кластерга Саха сирин тыыннаах муусукатын акселератора  саҕаланна.

Бу кэм устата кыттааччылары муусука эйгэтин идэлээхтэрин кытта онлайн уонна офлайн көрсүһүүлэр, муусука биисинэһигэр практикалар, ону тэҥэ вокальнай-инструментальнай ансаамбылларга уонна муусука менеджердэригэр практическай сорудахтар күүтэллэр. Саха сирин  Инновацияҕа, сыыппара сайдыытыгар уонна информационнай технологияҕа миниистирэ Василий Ефимов бэлиэтииринэн, айымньы ууопсастыбаҕа сүрүн оруолу ылар уонна бу эйгэҕэ креативнай экэниэмикэ үгүс суолталаах соруктары толорор. Кини этэринэн, акселератор киһи хапытаалын буларга көмөлөһөр уонна хас биирдии талаанын, идийэлэрин олоххо киллэрэр кыаҕы биэрэр.

Үөрэх бырагырааматын эспиэрдэринэн «Голос» уонна «Евровидение 2021» шоу кыттыылааҕа Июлина Попова, муусука толорооччута Анжела Жиркова (Green Apelsin), Yat-kha лидерэ уонна Huun-huur-tu тэрийээччитэ Альберт Кувезин, продюсер уонна ырыаһыт Зарина Копырина, Playtime бэстибээл тэрийээччитэ, пуонда толорооччу дириэктэрэ Игорь Бутман  уонна джаз продюсера Роман Христюк буолаллар.

Акселераторга Саха сирин араас оройуоннарыттан 150-ча ыччат кыттар: Нерюнгри, Мииринэй уонна Орто Халыма оройуоннарын киллэрэн туран. Маны таһынан үөрэх бырагырааматын кыттыылаахтара айымньы сайдыытыгара анал бириистэри сүүйүөхтэрэ.

«Саха сиригэр билигин рок музыка уонна вокальнай ансаамбыллар күүскэ сайдан эрэллэр. Саҥа көлүөнэ муусукааннарын дьиэтэ, саҥа көлүөнэ муусукааннара улаатан эрэллэр: звукорежиссердар, артыыстар, ону тэҥэ кэнсиэртэр уонна бэстибээллэр ыытыллаллар. Итиннэ биһиэхэ барыта үчүгэй, ол эрээри профессиональнай муусука менеджмента тиийбэт. Муусука бөлөхтөрө үгүстүк хамсаналлар, ол эрээри сайдыбаттар.

Биһиги кинилэргэ профессионаллар хайдах быһыылаахтык үлэлииллэрин уонна бу уобаласка үөрэтэллэригэр баҕарабыт. Ону сэргэ менеджменинэн интэриэһиргиир дьону мунньарга дьулуһабыт», — диэн билиҥҥи муусука оскуолатын дириэктэрэ, акселератор тэрийээччи Кирилл Третьяков кэпсээтэ.