Дьокуускайга салгын температурата 1944 сыллаахха олохтоммут рекорду куоһарда

Бэнидиэнньиккэ, тохсунньу 20 күнүгэр, Дьокуускайга салгын температурата -13С кыраадыс тымныы буолан, күннээҕи 7,2 кыраадыс муҥутуур көрдөрүүтүн куоһаран, 1944 сыллаахха олохтоммут муҥутуур кэрдииһи аһарда.

Бу туһунан СИА-ҕа Саха сиринээҕи УГМС метеорологическай уонна агрометеорологическай отделын начаалынньыга Саргылана Никитина иһитиннэрдэ.

«Тохсунньу 21 күнүгэр эмиэ Дьокуускайга, Мииринэйгэ, Өлүөхүмэҕэ уонна Ленскэйгэ муҥутуур көрдөрүүлэр аһарылыннылар. Бу нэдиэлэҕэ нуорманы таһынан сылаас күннэр арҕаа, соҕуруулуу-арҕаа уонна киин оройуоннарынан туруоҕа, сорох нэһилиэктэринэн муҥутуур көрдөрүүлэр аһарыллыахтара», — диэн Саргылана Никитина эттэ. Эспиэрдэр этэллэринэн, 2024 сыл сэтинньитигэр уонна ахсынньытыгар Саха сирин улахан өттүгэр нуорманы таһынан сылаас күннэр бэлиэтэммиттэрэ. Тохсунньу ый устата эмиэ сылаас уонна нуормаҕа чугас салгын температурата турара сабаҕаланар.