Дьокуускайга салгын температурата +30С кыраадыска чугаһыаҕа

Дьокуускайга уонна өрөспүүбүлүкэ сорох улуустарыгар үлэ нэдиэлэтэ +30 кыраадыска тиийэр куйаас күнтэн саҕаланыаҕа.

Саха сиринээҕи УГМС саайта иһитиннэрэринэн, атырдьах ыйын 4 күнүгэр түүн Дьокуускайга салгын температурата +13…+15 кыраадыс сылаас буолуоҕа. Күнүс салгын +27…+29 кыраадыска диэри сылыйыаҕа.

Бэнидиэнньиккэ синоптиктар сабаҕалыылларынан, киин уонна соҕуруулуу-арҕаа улуустарга +26…+31 кыраадыска диэри сылаас буолуо. Хотугулуу-илин күнүс — +15…+20, хотугулуу-арҕаа — +10…+15, хоту байҕал кытылыгар — баара-суоҕа +3…+8 кыраадыс буолара күүтүллэр.

Хаҥалас, Уус Алдан, Чурапчы, Таатта, Амма, Уус Маайа, Алдан, Нерюнгри, Томпо, Өймөкөөн улуустарыгар сорох сирдэринэн сөкүүндэҕэ 15-20 м.тиийэ  күүстээх тыаллаах, этиҥнээх ардахтаах буолара күүтүллэллэр.