Дьокуускайга саҥа билсибит эр киһи дьахтартан суотабай төлөпүөнүн уорбут

ИДьМ 3 №-дээх полициятын отделын дьуһуурунай чааһыгар 53 саастаах олохтоох дьахтар кыбартыыратын иһиттэн 10 тыһ. солк. суумалаах суотабай төлөпүөнүн уорбуттарын туһунан биллэрбит.

Холуобунай ирдэбил үлэһиттэрэ суһал-ирдиир дьаһалларынан урут сууттана сылдьыбыт Дьааҥы оройуонун 40 саастаах олохтооҕун туппуттар.

Силиэстийэ быһаарыытынан, эмсэҕэлээччи дьахтар киин куоракка Строителей улууссаҕа эр киһини кытта билсибит уонна дьиэтигэр ыҥырбыт. Сарсыныгар эр киһи түгэнинэн туһанан, дьахтар төлөпүөнүн кыбынан тахсыбыт. Уоруллубут төлөпүөнү былдьаабыттар. Холуобунай дьыала тэрилиннэ. Эр киһи 5 сылга диэри болдьоххо көҥүлэ быһыллыан сөп. Бу туһунан ИДьМ пресс-сулууспата суруйар.