keskil14.ru
Бүгүн, ыам ыйын 31 күнүгэр, Смарт-бибилэтиэкэҕэ «Кэскил» оҕо кыһата СӨ Инновационнай сайдыытын пуондатын кытта оҥорбут «Хоппо» оҕо видеохостинын билиһиннэриитэ буолла. СӨ Бырабыыталыстыбатын бэрэссэдээтэлин солбуйааччы Сергей Местников Саха сиригэр креативнай индустрияны сайыннарыыга бырайыак үрдүк суолталааҕын бэлиэтээтэ.
«Саха сиригэр өрөспүүбүлүкэ норуоттарын төрөөбүт тылларыгар бэйэ контенын тэрийэр бэлиитикэтэ ыытыллар. Итиэннэ судаарыстыбаннай бырагыраама чэрчитинэн биһиги сүрүн оператордарбытын, ИТ-паарка резиденнэрин өйүүр сыаллаах үлэни ыытабыт.
«Кэскил» оҕо кыһата хас да сыл устата бэйэтин контенын оҥорорго маннык үлэни ыытар. Ол сөптөөх үлэ — сүрүн туһанааччылар оҕолор. Онон «Кэскил» кыһата уочараттаах көҕүлээһинэ — «Хоппо» сыһыарыы төрөөбүт тылы сайыннарыыга туһуланар» — диэн Сергей Местников бэлиэтээтэ.
Идиэйэ ааптара уонна сыһыарыыны оҥорооччу Петр Лукачевскай «Хоппо» сыалын уонна соругун туһунан кэпсээтэ.
«Үлэбит былырыыҥҥыттан саҕаламмыта. «Кэскил» кыһаны кытта ситимнээх үлэ барда. Биһиги, этэргэ дылы, бэйэ-бэйэбитин буллубут. Бүгүн оонньуулары, видеону загрузкалыыры эрэ буолбакка, бырайыактан үбү-харчыны ыларга кыах үөскүө диэн этиэхпин сөп. Ол курдук, мерчтары, оонньуур былаһааккалыры оҥорууга өссө күүстээх үлэ барар. Бу эмиэ суолталаах үлэ хайысхата. Интэриэһинэй статистика баар — хомойуох иһин, элбэх оҕо саха тылын билбэт. Атын национальнай эрэгийиэннэртэн уратыта диэн биһиэхэ бу түгэни салгыы сайыннарар кыах баар. Оччотугар биһиги этнокултуурунай кодпут сүтүө суоҕа», — диэн кини эрэннэрдэ.
«Кэскил» оҕо кыһатын дириэктэрэ Ольга Семенова оҕолорго медиа-бөлөх сайдыытын, көрүүтүн-истиитин туһунан үллэһиннэ уонна «Хоппо» эдэр талааннары өйүүр дьоһун үнүстүрүмүөнүнэн буоларын эттэ.
Бэс ыйын 1 күнүттэн «Хоппо» сыһыарыы онлайн маҕаһыыннарыгар хачайдаан ылыахха сөп. Аны атырдьах ыйыгар Smart TV сыһыарыытын оҥорон таһаарыахтара. Сыһыарыыга сахалыы ойуулуктар, видеолар уонна оонньуулар баар буолуохтара (4+). Контент угуйуга уонна төлөбүрэ суох босхо буолуоҕа, бу туһунан keskil14.ru саайт суруйар.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…