Хаартыскаҕа Саина Титова түһэриитэ
В.Г.Белинскэй аатынан кыраайы үөрэтэр бибилэтиэкэ саҥардыллан оҥоһулунна.
Саҥардан оҥоруу үлэтэ «Култуура» национальнай бырайыак чэрчитинэн модельнай бибилэтиэкэлэри оҥорууга субсидияны биэрэргэ Бүтүн Арассыыйатааҕы куонкуруска кыайыыны ыланнар ситиһилиннэ. Сүүмэрдээһин түмүгүнэн 8 мөлүйүөн солкуобай көрүллүбүт.
Бибилэтиэкэ иһин уларыппыттар, саҥа тиэхиньикэ, миэбэл баар буолбут. Манна ааҕар саалалары таһынан, оҕолору кытары үлэлиир киин, айар үлэҕэ коворкинг киин бааллар. Медиакииҥҥэ устудьуоннар видеоконтент оҥороллор.
«Кыраайы үөрэтэр үлэҕэ болҕомто улаатыа. Бибилэтиэкэҕэ лиэксийэлэр, суруйааччылары кытары көрсүһүүлэр ыытыллаллар. МФЦ курдук, электроннай өҥөнү оҥорор саҥа киин баар«, — диэн кииннэммит бибилэтиэкэ ситимин дириэктэрэ Ньургуйаана Решетникова этэр.
Бибилэтиэкэҕэ 15 тыһ. тахса киһи сылдьар кыахтаах. Үлэтэ төрөөбүт тылы, өрөспүүбүлүкэ норуоттарын үгэстэрин, сиэрдэрин-туомнарын харыстыырга уонна сайыннарарга туһуланар. Манна улахан кинигэ пуондата түмүллүбүт — 500 тыһыынчаттан тахса кинигэ баар.
«Култуура» национальнай бырайыак иитинэн, 2019 сылтан өрөспүүбүлүкэҕэ 40 модельнай бибилэтиэкэ арыллыбыт.
СӨ Ил Дарханын уонна Бырабыыталыстыбатын пресс-сулууспата
Хаартыскаларга Саина Титова түһэриитэ
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…