Сарсын Дьокуускайга сылыйар

Бу өрөбүллэргэ Дьокуускайга уонна Саха сирин соҕуруу өттүгэр халлаан биллэрдик сылыйыа. 

Саха сиринээҕи гидрометеокиин иһитиннэрбитинэн, бу өрөбүллэргэ хотугулуу-илин, илин уонна соҕуруу хаар түспэт. Соҕуруулуу-арҕаа уонна киин оройуоннарга хаардыаҕа. Өлүөнэ алын өттүгэр уонна арҕаа, соҕуруулуу-арҕаа сөкүүндэҕэ 9-14 миэтэрэ уонна Мииринэйгэ сөкүүндэҕэ 15 миэтэрэ түргэннээхтик тыалырыа. Түүнүн 22-27 кыраадыс тымныйыаҕа. Өймөкөөҥҥө  түүнүн 40-45 кыраадыс, Арктика кытылынан кыратык хаардыа, 25-30 кыраадыс  тымныы буолуоҕа. Бүгүн Дьокуускайга былытырар, күнүһүн -14 кыраадыс буолар.  Сэтинньи 12 күнэ буолар түүнүгэр  хаардаабат, 19 кыраадыс тымныйар. Сарсын, сэтинньи 13 күнүгэр, киин куоракка күнүһүн халлаан -4, -6 кыраадыс буолар.