Дьокуускайга Сэбиэскэй Аармыйа 50 сыла уулуссаны атырдьах ыйын 28 күнүттэн сабыахтара

Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ буолуоҕа. Бу кэм иһигэр суол үлэһиттэрэ наадалаах үлэлэри ыытыахтара.

Оптуобустарга быстах кэмҥэ маршрут сырыытын саҥа схемата оҥоһулунна. Айан-сырыыны хааччахтааһын атырдьах ыйын 28 күнүттэн балаҕан ыйын 7 күнүгэр диэри киллэриллэр.

Сэбиэскэй Аармыйа 50 сыла уонна Бабушкин уулуссаларын быһа охсуһуутун сабыахтара. Бу аспаал-бетон бүрүөһүнүн кыһыйыынан уонна суол  олоҕун оҥоруутунан сибээстээх.

«19 уонна 35 №-дээх куорат оптуобустара саҥа оҥоһуллубут маршруттарынан сылдьыахтара. Маршруккутун былаанныырга бу уларыйыыны учуоттуурга көрдөһөбүт», – диэн Дьокуускай куорат мэриятыгар иһитиннэрдилэр.